Oruc tutarkən baş ağrılarından necə xilas olmalı?
Oruc tutan insanlarda adətən baş ağrıları müşahidə edilir. Sahurda yeyilən yeməklər, iftarla sahur arasında kifayət qədər su içilməməsi, nikotin və kofein aludəçilərində müşahidə edilən məhrumiyyətlər baş ağrılarını yaradan əsas səbəblərdir.
Oruc tutanlarda baş ağrılarına səbəb olan amilləri təqdim edirik:
Susuzluq
Beyin əsasən sudan ibarətdir. Beyində suyun miqdarı azaldıqda, beyin su çatışmazlığına tab gətirmək üçün suyun məhdudlaşdırılmasına keçir. Özünü susuzluqdan qoruyan beyin histamin ifraz edir. Beyində histamin ifrazı ağrı və yorğunluğa səbəb olur.
Aşağı qan şəkəri
Oruc tutmaq səbəbiylə qan şəkərinin aşağı düşməsi də baş ağrısının səbəbləri arasındadır. Aclıq səbəbiylə qan şəkərinin qəfil düşməsi və ya iftar zamanı artması baş ağrısına səbəb ola bilər.
Kofein və Nikotinin olmaması
Gündəlik həyatda çoxlu qəhvə və çay istehlak edənlər, nikotindən asılı olanlar oruc tutarkən nikotin və kofeinin azalması səbəbindən baş ağrıları yaşaya bilərlər. Onlarda həmçinin əsəbilik, titrəmə, depressiya kimi problemlər də müşahidə edilə bilər.
Yuxunun pozulması
Ramazanda sahurda erkən oyanıb yenidən yatmaq və ya sahura qədər yatmamağı seçmək bioloji saatın dəyişməsinə səbəb olur. Gün ərzində yuxu rejiminin pozulması baş ağrılarına səbəb ola bilər.
Oruc tutarkən baş ağrılarına nə xeyirdir, necə keçir?
Ramazan ayında oruc tutarkən baş ağrısı yaşamamaq üçün sağlam və düzgün qidalanma, yuxu rejimini təmin etmək, kifayət qədər maye qəbul etmək kimi məsələlərə diqqət yetirməlisiniz.
Oruc tutarkən nəzərə alınmalı olan bəzi məqamlar bunlardır:
Uzun müddət susuz qalacaq beyni qidalandırmaq və oruc tutarkən baş ağrılarını aradan qaldırmağın ən yaxşı yollarından biri də orucdan əvvəl bol su qəbul etməkdir.
Oruc tutarkən baş ağrısının qarşısını almaq üçün çay və qəhvə kimi bədəndə maye istehlakını artıran içkilərdən, şişkinliyə səbəb olacaq ağır və yağlı qidalardan da uzaq durmağa cəhd edin.
Bədənin alışmış mühitini pozmamaq və gündəlik lazım olan yuxunu ala bilmək üçün yuxu vaxtını gecikdirməyin.
Oruc tutarkən, qan şəkərini tarazlaşdırmaq və qan şəkərində sıçrayışların qarşısını almaq üçün aşağı glisemik indeksli qidalara üstünlük verin. Aşağı glisemik indeksi olan qidalara alma və üzüm, yulaf və qatıq kimi meyvələrin şirəsi daxildir.
Kofein asılılığından yaranan baş ağrılarının qarşısını almaq üçün iftar və sahur arasında çay və ya qəhvə içə bilərsiniz. Ancaq diqqət etməli olduğunuz başqa bir məsələ çay və qəhvənin su istehlakına təsiridir. Bu təsirin qarşısını almaq üçün gündə təxminən 2-2,5 litr su içməyi unutmayın.
Oruc tutarkən aclıqdan baş ağrısı yaşamamaq üçün sahurda düzgün qidalanmağa diqqət edin. Yağsız və sağlam qidaları seçin.
Oruc açarkən çox yemək əvəzinə, iftar və sahur arasındakı müddətdə ara-sıra qəlyanaltı seçə bilərsiniz. Bu şəkildə qan şəkəriniz birdən qalxmaz və qəfil düşməz.
Davamlı və şiddətli baş ağrısı, ürəkbulanma, qusma, daimi qeyri-sabit qan şəkəri, çox aşağı və ya yüksək kimi hallarda həkiminizlə məsləhətləşin!
Hər kəsə mübarək Ramazan və sağlam günlər arzu edirik.