За “мініраванне” дызель-цягніка штраф 1600 рублёў
Жыхар Слоніма рашэннем суда Слонімскага раёна атрымаў штраф памерам 1600 рублёў за “мініраванне” дызель-цягніка. Слонімец ехаў на дызелі. І раптам яму захацелася па мабільнаму тэлефону патэлефанаваць на 102 і паведаміць супрацоўніку аператыўна-дзяжурнай службы інфармацыю, што замініраваны цягнік і ён хутка ўзарвецца.
У сувязі з гэтым паведамленнем на станцыю Слонім быў накіраваны нарад міліцыі, які затрымаў “мінёра”. Інфармацыя наконт мініравання цягніка не пацвердзілася. На судзе слонімец прызнаўся, што ніякага мініравання не было. Акрамя штрафу ў яго канфіскаваолі мабільны тэлефон, а таксама забралі халадзільнік, маразільнік і тэлевізар. Усё гэта канфіскавана ў мэтах забяспячэння выканання пакарання ў выглядзе штрафу.
Беларускае Радыё Рацыя
Artykuł За “мініраванне” дызель-цягніка штраф 1600 рублёў pochodzi z serwisu БЕЛАРУСКАЕ РАДЫЁ РАЦЫЯ.