У Гайнаўцы пройдзе фестываль «Ператоча 2022»
У гайнаўскім амфітэатры пройдзе сёння, 30 ліпеня, фестываль «Ператоча 2022».
У 20-ы раз перад гледачамі прадставяць сваю культуру прадстаўнікі народаў, якія спрадвек кампактна пражываюць на Падляшшы. Што цалкам адпавядае назве гэтага традыцыйнага падляшскага мульці-культурнага фестывалю.
Расказвае яго шматгадовы арганізатар – дырэктар фонду «Царкоўная музыка» Мікола Бушко:
– «Ператоча» гэта месца перад будынкам, у беларусаў называецца гумно, у нас клуня, літоўцы гавораць коня, палякі стадола, гэта месца, у якім адкрываюцца вялікія дзверы ў гэты будынак. Сімвал адкрытасці рэгіёну на ўсе нацыянальнасці, якія з уласнай волі, ці вымушана жылі і жывуць сярод нас.
У гэтым годзе калектывы з Польшчы, Украіны ды Літвы прадставяць – польскую, беларускую, жыдоўскую, цыганскую, татарскую, літоўскую ды ўкраінскую культуры. Пачатак фестываю «Ператоча» а 17-й гадзіне ў амфітэатры ў Гайнаўцы.
Беларускае Радыё Рацыя
Artykuł У Гайнаўцы пройдзе фестываль «Ператоча 2022» pochodzi z serwisu БЕЛАРУСКАЕ РАДЫЁ РАЦЫЯ.