Да палітвязняў у Беларусь няспынна лістуюць беларусы Канады
Пераважна ў якасці карэспандэнцый дасылаюцца паштоўкі з кароткім зместам.
Ці атрымоўвае іх адрасат – невядома, паколькі адказы амаль што не прыходзяць, але такую справу працягваць варта нават па-за межамі радзімы, – распавяла беларуска Алена Спірыд:
– Я пайшла на такі хітрык: падпісвалася як бабуля Алена. «Вітаю цябе, мой унучак!». Атрымалі яны гэтыя лісты ці не, я не ведаю. Але ўсё адно пішу, няхай гэтыя монстры бачаць, што мы памятаем пра нашых хлопцаў і дзяўчат. Мы пішам і пішам. Трэба пісаць яшчэ больш, бо гэтага замала.
Алена Спірыд дадала, што яшчэ адзін аргумент, чаму варта дасылаць карэспандэнцыю з-за мяжы да палітвязняў у Беларусі – гэта дэманстрацыя адміністрацыям установаў, што пра тых, хто знаходзіцца за кратамі па крымінальных палітычна матываваных справах, добра праінфармаваная міжнародная супольнасць.
Беларускае Радыё Рацыя
Artykuł Да палітвязняў у Беларусь няспынна лістуюць беларусы Канады pochodzi z serwisu БЕЛАРУСКАЕ РАДЫЁ РАЦЫЯ.