Աշխարհում ամենամեծ վարդագույն ադամանդը վաճառքի կհանվի
Նոյեմբերի Ժնևի աճուրդում կներկայացվի աշխարհում ամենամեծ վարդագույն ադամանդը, որի արժեքը 20-30 մլն դոլար է գնահատվում:
Raj Pink կոչվող վարդագույն ադամանդը կշռում է 37.30 կարատ: Նոյեմբերի 15-ին Ժնևի Sotheby's աճուրդային տունն այն վաճառքի կհանի, իսկ դրա վերջնական արժեքը կարող է հասնել մի քանի տասնյակ միլիոնավոր դոլարների:
Ըստ Le Matin հրատարակության` ադամանդը, որը հայտնաբերվել է 2015 թվականին Հարավային Աֆրիկայում, մի ամբողջ տարի ուսումնասիրվել է մասնագետների կողմից: Դրանից հետո այն հանձնվել է ոսկերիչին, որը քարին ադամանդի դասական տեսք է տվել:
Արքայական արժեքավոր վարդագույն ադամանդների հայտնաբերման փաստերը հազվադեպ են արձանագրվում `0.2%-ից պակաս դեպքերում: 2010 թ.-ի նոյեմբերին 24.78 կարատ կշռով մեկ այլ վարդագույն ադամանդ վաճառքի արդյունքում համաշխարհային ռեկորդ է սահմանել: Այն վաճառվել է 46 մլն դոլարով: