ՌԴ-ում որսորդը դիմել է ոստիկաններին՝ ասելով, որ արջը գողացել է իր երկու հրացանները
ՌԴ Իրկուտսկի մարզի իրավապահները ստուգումներ են իրականացնում Ուստ-Իլիմսկի շրջանում, որտեղ որսորդներից մեկը կորցրել է իր երկու հրացանը:
Ինչպես հաղորդում է Life.ru-ն, 57-ամյա որսորդի խոսքով՝ հրացանները որսորդական ձմեռանոցից գողացել է արջը: Տղամարդը շրջելիս է եղել տեղանքում՝ մոտակա գյուղից տասնյակ կիլոմետրեր հեռավորությամբ և որոշել է կանգ առնել ձմեռանոցներից մեկում: Այնտեղ թողնելով հրացանները՝ նա ջրի է գնացել, իսկ վերադառնալուն պես կասկածելի աղմուկ է լսել և տեսել է արջի ուրվագիծը ձմեռանոցի տարածքում: Զենքերը որսորդը չի գտել։
Մի քանի օր շարունակ նա ինքնուրույն է որոնել զենքը, սակայն չի կարողացել գտնել: Գյուղ վերադառնալով՝ նա դիմել է իրավապահներին: