Ինչպես է ապրում Եվրոպայի ամենահարուստ իշխանը (լուսանկարներ)
Գերմանիայում բնակվող իշխան Ալբերտ ֆոն Տուրն և Տաքսիսը աշխարհի ամենահարուստ երիտասարդ միլիարդատերերից է:
Ինչպես ներկայացնում է News.Mail.ru-ն, նա ապրում է 517 սենյակ ունեցող պալատում, շատ հարուստ է և ամուսնացած չէ: Ընդհանուր առմամբ, նրա ունեցվածքի մաս են կազմում նաև աշխարհի տարբեր անկյուններում տեղակայված տասնյակ ամրոցներ, առանձնատներ և անտառներ: Դրան գումարվում է ժամանակակից արվեստի ստեղծագործությունների հավաքածուն և ընտանեկան զարդերը:
Տարբեր տարիներին Forbes ամսագիրը Ալբերտ ֆոն Տուրն և Տաքսիսի կարողությունը գնահատել է 1.5-2 մլրդ դոլար, այդ իսկ պատճառով նա հանդիսանում է Եվրոպայի ամենահարուստ արքայազնը:
Նրա ամբողջական անունն է Ալբերտ Մարիա Լամորալ Միգել Յոհանես Գաբրիել: Իսկ տիտղոսները կցվում են ազգանվանը: Նա ծնվել է 1983-ին, հասակը 193 սմ է: 2003-ին ծառայել է բանակում:
Չափահաս դառնալով Ալբերտն առաջին անգամ մասնակցել է ավտոմրցարշավի, մասնակցել առաջնության: Ապա անցել է «սուպերքարային» կատեգորիայի: Նրա գլխավոր նվաճումը 2010-ին ADAC GT Masters սերիայում տարած հաղթանակն է, որին մասնակցել է Lamborghini Gallardo մոդելով: