ԵՄ երկրները չեն բոյկոտի ֆուտբոլի աշխարհի առանությունը. Մերկել
Գերմանիան և Եվրոպան ընդհանուր առմամբ մտադիր չեն բոյկոտել 2018-ին Ռուսաստանում անցկացվելիք Ֆուտբոլի աշխարհի առաջնությունը՝ Բրիտանիայում ռուսական հետախուզության նախկին աշխատակից Սերգեյ Սկրիպալի թունավորման գործի պատճառով:
«Այժմ խոսքը ֆուտբոլի աշխարհի առաջնության բոյկոտի մասին չէ», - INTERFAX.RU-ի փոխանցմամբ՝ ասել է Մերկելը` Բեռլինում կայացած մամուլի ասուլիսի ժամանակ:
Գերմանիայի կանցլերն ավելի վաղ հայտարարել էր, որ Եվրոպական միությունը պետք է պահպանի Ռուսաստանի հետ կապերը՝ անկախ Սկրիպալի հետ առնչվող միջադեպից:
Հիշեցնենք, որ Սերգեյ Սկրիպալին և նրա դստերը թունավորելու գործում բրիտանական իշխանությունները մեղադրում են Ռուսաստանին, ինչի պատճառով 23 ռուս դիվանագետի են արտաքսել երկրից:
Մեծ Բրիտանիայի վարչապետ Թերեզա Մեյն ավելի վաղ հայտարարել էր, որ Միացյալ Թագավորության բարձրաստիճան ներկայացուցիչներից և ոչ մեկը ներկա չի գտնվի ԱԱ 2018-ին: