«Մարիտիմուն» հաղթեց. խաղաժամանակ ստացավ նաև Ղազարյանը
Պորտուգալիայի առաջնության 27-րդ տուրում «Մարիտիմուն» հյուրընկալվեց «Տոնդելային»:
Խաղն ավարտվեց հյուրերի կամային հաղթանակով՝ 2:1 հաշվով: Դուբլի հեղինակ դարձավ Ջոելը:
Հայաստանի հավաքականի կիսապաշտպան Գևորգ Ղազարյանը հայտավորված էր հանդիպմանը: Մեր ընտրանու կիսապաշտպանը մնացել էր պահեստայինների նստարանին ու փոխարինման է մտել 79-րդ րոպեին:
Այս հաղթանակից հետո «Մարիտիմուն» 39 միավորով 6-րդն է:
Հիշեցնենք, որ Ղազարյանը հրավիրվել է ազգային հավաքականի առաջիկա երկու ընկերական հանդիպումներին, որոնք կկայանան Էստոնիայի (մարտի 24) ու Լիտվայի (մարտի 27) ընտրանիների հետ: