ՔԿԾ մի շարք ծառայողներ պարգևատրվել են կրծքանշաններով
Հուլիսի 23-ին ՀՀ ԱՆ քրեակատարողական ծառայությունում տեղի է ունեցել մի խումբ ծառայողների՝ կրծքանշաններով պարգևատրման արարողությունը:
Այս մասին հայտնում են ՀՀ ԱՆ ՔԿԾ հանրային կապերի բաժնից։
Հաղորդագրության մեջ ասվում է. «ՀՀ սահմանադրության օրվա կապակցությամբ ՀՀ արդարադատության նախարար Արտակ Զեյնալյանի հրամանով ՀՀ ԱՆ քրեակատարողական ծառայության պետ, արդարադատության գնդապետ Ա. Մխոյանի միջնորդությամբ ծառայողական պարտականությունները և առաջադրանքները պատշաճ կատարելու համար 18 ծառայող պարգևատրվեց «10 տարի անբասիր ծառայության համար» կրծքանշանով, 8 ծառայող՝ «15 տարի անբասիր ծառայության համար» կրծքանշանով, «20 տարի անբասիր ծառայության համար» կրծքանշանով պարգևատրվեցին 13 ծառայող:
Կրծքանշանները քրեակատարողական ծառայողներին հանդիսավոր պայմաններում հանձնեց ծառայության պետ Ա. Մխոյանը:
Շնորհավորելով պարգևատրվածներին և ներկաներին՝ ՀՀ ԱՆ քրեակատարողական ծառայության պետ, արդարադատության գնդապետ Ա. Մխոյանը նշեց. «Այսուհետ է՛լ ավելի պատշաճ պիտի կատարենք մեր գործը և գերնպատակը դարձնենք կոռուպցիայի դեմ պայքարը: Եվ ես հավատում եմ, որ անողոք կլինեք մեր այս պայքարում, որ մեզանից յուրաքանչյուրը կլինի իր տեղում և կծառայի բարեխիղճ՝ պատշաճ կատարելով իր ծառայողական պարտականությունները: Կրկին շնորհավորում եմ բոլորիդ, մաղթում եմ բարի և անփորձանք ծառայություն»»: