Անկարայի բնակիչները F-16-ի թռիչքի ձայնը քիմիական գործարանի պայթյունի տեղ են ընդունել
Թուրքական լրատվամիջոցները երկուշաբթի, հղում անելով ականատեսներին, հայտնել էին, որ Անկարայի քիմիական գործարանի շրջանում պայթյուն է տեղի ունեցել: Միևնույն ժամանակ քաղաքի արտակարգ պատահարների արձագանքման ծառայությունից չէին հաստատել այդ տեղեկությունը:
Ինչպես հաղորդում է INTERFAX.RU-ն, թուրքական Sabah պարբերականն ավելի ուշ հայտնել է, որ ուժեղ պայթյունի ձայնը պայմանավորված է եղել F-16 կործանիչի թռիչքով, երբ ռազմական օդանավը ձայնային խոչընդոտ է հաղթահարել:
«Պայթյունի ուժեղ ձայնը, որը շատերը լսել են Անկարայի արևմտյան շրջանում, պատճառված է եղել F-16-ի գերձայնային արագությամբ անցումով փորձնական թռիչքի ժամանակ», -հայտնում է թուրքական աղբյուրը՝ հղում անելով տեղի իշխանություններին: