Ռեկորդային տաք սեպտեմբերից հետո սպասվում է նորմայի սաhմաններում հոկտեմբեր. Գ. Սուրենյան
Հոկտեմբերին օդի միջին ջերմաստիճանը կանխատեսվում է նորմայի սահմաններում, իսկ տեղումները՝ նորմայից ավելի: Tert.am-ի հետ զրույցում հայտնեց ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը:
«Առաջին տասնօրյակը համեմատաբար մի փոքր տաք կլինի, մինչև ամսի 5-ը: 5-ից 6-ն ընկած ժամականահատվածում օդի ջերմաստիճանը կսկսի նվազել: Ընդհանուր առմամբ՝ մարզերում կնվազի 5-6, իսկ Լոռի-Տավուշ-Սյունիք հատվածներում՝ մոտ 8-10 աստիճանով: Այդ նվազումից հետո արդեն ջերմաստիճանը կմոտենա կլիմայական նորմային, որովհետև այս պահին հանրապետության տարածքում՝ հատկապես Արարատյան դաշտում, ջերմաստիճանը նորմայից բարձր է 5-6 աստիճանով»,-ասաց Գագիկ Սուրենյանը:
Նա նշեց, որ «լուրջ անձրևներ դեռ չեն երևում», այսօր առանձին շրջաններում կլինեն թույլ տեղումներ, 5-ին՝ Լոռի –Տավուշ-Սյունիք հատվածում, իսկ 6-ին՝ միայն Սյունիքում ու Արցախում:
Մնացած օրերին, այսինքն, հոկտեմբերի 3-ին, 4-ին, 7-ին, հանրապետությունում կգերակշռի հիմնականում առանց տեղումների եղանակ:
Նշենք, որ սեպտեմբերին հանրապետության տարածքում գրանցվել է նորմայից բարձր ջերմաստիճան, իսկ առանձին օրերին գրանցվել են ռեկորդային բարձր ջերմաստիճաններ:
Հատկապես սեպտեմբերի 15-ին, երբ Արարատյան դաշտում ջերմաստիճանը հասել է ն 36, 5 , իսկ Արենիի հատվածում՝ 37.7 աստիճանի: