Անկարայում ավարտվել են սիրիական Իդլիբի հարցով Ռուսաստանի և Թուրքիայի բանակցությունները
Անկարայում ավարտվել են Իդլիբում տիրող իրավիճակի շուրջ Ռուսաստանի և Թուրքիայի միջև բանակցությունները: Այս մասին հայտնել են թուրքական դիվանագիտական գերատեսչությունից:
РИА Новости-ի փոխանցմամբ՝ Ռուսաստանի և Թուրքիայի ԱԳՆ ղեկավարների տեղակալներ Սերգեյ Վերշինինի և Սեդատ Անալի միջև բանակցությունները տևել են 3 ժամ: Դրանց մասնակցել են նաև Ռուսաստանի նախագահի հատուկ ներկայացուցիչ Ալեքսանդր Լավրենտևը, ինչպես նաև երկու երկրների դիվանագետներ:
«Բանակցությունների ընթացքում քննարկվել են սիրիական Իդլիբի իրավիճակը, ինչպես նաև Սիրիայում քաղաքական գործընթացի առաջխաղացման հարցում քայլերը: Որոշում է ընդունվել բանակցությունները շարունակել հաջորդ շաբաթ»,- ասվում է թուրքական ԱԳՆ հաղորդագրությունում:
Ինչպես հայտնել են թուրքական ԶԼՄ-ները, Անկարան պնդում է Իդլիբումը իր զորքերի դիտորդական կետերի պահպանումը: