Իսպանիայում երկրորդ օրն անընդմեջ կորոնավիրուսից մահվան դեպք չի գրանցվել
Երկրորդ օրն անընդմեջ Իսպանիայում կորոնավիրուսից մահվան դեպք չի արձանագրվել: CNN-ի փոխանցմամբ՝ այս մասին երեքշաբթի հայտարարել է թագավորության առողջապահության ներկայացուցիչը:
Կորոնավիրուսից մահացության ընդհանուր ցուցանիշն Իսպանիայում 27․127 է: Կիրակի օրվանից այս թիվը չի փոխվել: Սակայն առողջապահության նախարարության արտակարգ կենտրոնի ղեկավար Ֆերնանդո Սիմոնը հայտնել է, որ մահվան դեպքերի ցուցանիշը կարող է հստակ չլինել, քանի որ 17 նահանգային կառավարություններ խնդիրներ ունեն այդ տվյալները ներկայացնելու հետ կապված:
Վերջին մեկ օրում երկրում կորոնավիրուսով վարակման 137 նոր դեպք է արձանագրվել: Նախորդ օրվա տվյալը 74-ն էր: