Որպես պետություն կանգնած ենք խայտառակության եզրին, իսկ իշխանությունը, իր բուն գործը թողած, սկսել է «ով է մեղավորը» արշավը. Էդմոն Մարուքյան (տեսանյութ)
Մեղավոր փնտրելը հասարակական կազմակերպություների, այսինքն անկախ սեկտորի գործն է, ընդդիմության գործն է, բայց Հայաստանում դրանով զբաղվում է իշխանությունը։ Այս մասին ֆեյսբուքյան ուղիղ եթերի ժամանակ հայտնել է ԱԺ «ԼՀԿ» խմբակցության պատգամավոր Էդմոն Մարուքյանը:
«Հայաստանում իշխանությունը իր բուն գործը թողած՝ սկսել է «ով է մեղավորը» արշավը։ Եւ ամենահեշտը բարդելն է մարդկանց վրա․ մարդիկ են մեղավոր՝ կիրակի օրը գնացել են Սուրբ Հովհաննես, «Գլորիայի» բանվորուհիներն էին մեղավոր, որ հերթ էին կանգնել, որ ավտոբուս նստեն։ Ճշտեցի՝ «Գլորիան» 26 ավտոբուս ունի, բայց երեւի պետք է 50-ը ունենար։
Այն նկարները, որ հիմա հրապարակում է վարչապետը, նա պետք է դրանք հավաքեր, պարետատան նիստ հրավիրեր եւ ասեր՝ այս ի՞նչ եք դուք անում, դուք չեք հսկում թաղամասերը, որովհետեւ այնտեղ նման հավաքներ են տեղի ունենում, չեք հսկում բանկերի հերթերը, սրբավայրերը, դուք չեք հսկել Դենդրոպարկը, Գառնի-Գեղարդը։ Բայց այդ նկարները հրապարակվում են, եւ մեղավորը քաղաքացիներն են»,- ասել է Մարուքյանը։
Մանրամասները՝ տեսանյութում: