Հայկական դրամն ամրապնդվել է այլ արժույթների նկատմամբ
Հայաստանի արժույթի շուկայում դրամն ամրապնդվել է այլ արժույթների նկատմամբ։
Այս մասին են վկայում rate.am կայքի տվյալները։
Ըստ այդ տվյալների՝ ապրիլի 19-ի առավոտից երկրի առևտրային բանկերն ԱՄՆ դոլարը գնում են 384,11 դրամ միջին գնով, նախորդ աշխատանքային օրվա համեմատ ԱՄՆ արժույթն արժեզրկվել է 0,61 դրամով։
Ամերիկյան արժույթը վաճառվում է 389.86 դրամ միջին գնով, երեկվա համեմատ դոլարն արժեզրկվել է 0.50 դրամով։
Եվրոյի միջին փոխարժեքն առքի ժամանակ 416.72 դրամ է, եվրոն արժեզրկվել է 1.47 դրամով։
Եվրոպական արժույթի վաճառքն իրականացվում է 430,19 դրամ կշռված գնով, ինչը 1,64 դրամով պակաս է նախորդ օրն առևտրային բանկերի առաջարկած գնից։ Ռուսական ռուբլու առքի միջին գինը մնացել է անփոփոխ և կազմել 4,61 դրամ։
Ռուսական արժույթի վաճառքն իրականացվում է 4.89 դրամ միջին գնով, ապրիլի 18-ին առաջարկված գնի համեմատ նվազել է 0.01 դրամով։
Բրիտանական ֆունտի առքն իրականացվում է 467.21 դրամ միջին գնով, ֆունտը նախորդ օրվա համեմատ կորցրել է 1.17 դրամ։
Վաճառքի ժամանակ բրիտանական արժույթի միջին փոխարժեքը երեկվա համեմատ նվազել է 1,45 դրամով՝ կազմելով 491,79 դրամ։
The post Հայկական դրամն ամրապնդվել է այլ արժույթների նկատմամբ appeared first on ԳԱԼԱ.