Չեմ ընկալում ձեզ, որպես հայրենասեր իշխանություն, դրանից հետևում է, որ ինձ չի հետաքրքրում ձեր քվեարկությունը․ Մամիջանյանը՝ ՔՊ-ին (տեսանյութ)
Պարո՛ն Մամիջանյան, երբ պարոն Թունյանին ասում եք՝ չի հետաքրքրում՝ ՔՊ ինչպես կքվեարկի, հիմա ձեզ հետաքրքրո՞ւմ է՝ ձեր առաջադրած թեկնածուն կընտրվի հանձնաժողովում, թե ոչ։ Այս մասին ԱԺ-ում արտահերթ հարցի իրավունքով հարց ուղղելով «Պատիվ ունեմ» խմբակցության ղեկավար Հայկ Մամիջանանին, ասաց ԱԺ փոխխոսնակ Ռուբեն Ռուբինյանը։
«Մի անգամ էլ կասեմ, բայց երևի ավելի դանդաղ, որ երրորդ անգամ կրկնելու կարիք չառաջանա։ ՀՀ-ին կլինի օգուտ, եթե կոմպետենտ թեկնածու Անահիտ Սարգսյանն աշխատի մրցակցության պաշտպանության հանձնաժողովում։ Իսկ ինչ վերաբերում է ձեր քվեարկության հետաքրրքել, չհետաքրքրելուն, կարծում եմ՝ ես խոսքի ու գործի շեղում երբեք չեմ առաջացրել ու եթե ես ասում եմ, որ չեմ ընկալում ձեզ որպես հայրենասեր իշխանություն, դրանից հետևում է, որ ինձ չի հետաքրքրում ձեր քվեարկությունը։ Իրոք որևէ մեկդ ակնկալիք ունեիք, որ ես պետք է գամ ու խնդրեմ քվեարկել մեր թեկնածուի օգտի՞ն, ձեր ակնկալիքը կմնա զուտ ակնկալիք, հակառակ դեպքում կտուժի հանձնաժողովը»,- արձագանքեց Մամիջանյանը։