4 տարի, ամեն տարի Բելառուսից եկել եմ Ձեզ տեսնելու համար․ տարեց կինը՝ Փաշինյանին (տեսանյութ)
ՀՀ վարչապետ Նիկոլ Փաշինյանի՝ Գյումրի կատարած այցի ընթացքում մի տարեց կին մոտեցավ նրան։
«Ես Ձեզ պիտի մոտոենամ։ 4 տարի, ամեն տարի Բելառուսից եկել եմ Ձեզ տեսնելու համար։ Խաչատրյան Օֆելյա, Ձեզ ամեն ձևով սատարող մարդ եմ»,- ասաց քաղաքացին Փաշինյանին։
«Դուք իմ տղաների հասակին եք։ Շատ եմ հարգում Ձեզ, շատ եմ սիրում Ձեզ։ Ուզում եմ մի հատ նկարվենք»,- նշեց տարեց կինը։
Փաշինյանը համայնք է այցելել Գյումրիում իրականացված և իրականացվող ծրագրերի առթիվ։ Այնտեղ հիմնվել է նաև Միասնական սոցիալական ծառայության տարածքային կենտրոն։
«Այն մեկ պատուհանի սկզբունքով սոցիալական ծառայություններ կտրամադրի շուրջ 55 հազար շահառուի։
Կենտրոնի հիմնման համար ՀՀ կառավարության և Համաշխարհային բանկի համագործակցությամբ հատկացվել է 392 մլն դրամ:
Այն հնարավորություն կտա բնակիչներին մեկ հարկի ներքո օգտվել սոցիալական ապահովության, զբաղվածության, անձի ֆունկցիոնալության գնահատման և սոցիալական աջակցության ոլորտների ծառայություններից»,- գրել է նա իր ֆեյսբուքյան էջում։