Атыраудағы жағымсыз иіс: күкіртті сутегі шекті мөлшерден 25 есеге асқан
АТЫРАУ. KAZINFORM – Атырау тұрғындарын ауадағы жағымсыз иіс алаңдатып отыр. Жергілікті экологтар жүргізген мониторингке сәйкес күкіртті сутегінің мөлшері 25 есеге дейін өскені анықталған. Атырау облыстық экология департаменті зертханалық-талдамалы бақылау бөлімінің басшысы Сапар Тұрсынбековтің мәліметінше, 25 наурызда атмосфералық ауа сапасына мониторинг жүргізілген.