Новости за 20.11.2022

Казакстандагы "Ачык коом" институтунун экзит-поллуна ылайык, 20-ноябрдагы президенттик шайлоодо Касым-Жомарт Токаев добуштардын 82,45 пайызына ээ болду. Экинчи сапка 5,2% менен "Баарына каршы" деген графа чыкты. Талапкерлер Жигули Дайрабаев 3,33%, Каракет Абден 2,54%, Мейрам Кажыкен 2,23%, Нурлан Ауесбаев 2,17%, Салтанат Турсынбекова 2,08% добуш топтоду. Алгачкы расмий жыйынтык 21-ноябрда жарыяланат.  Казакстандын Борбордук шайлоо комиссиясынын маалыматына ылайык, жекшембидеги шайлоодо 12... Читать дальше...

Перс булуңунун боюндагы Катар мамлекетинде футбол боюнча дүйнөлүк чемпионат башталды. 20-ноябрда чемпионаттын ачылыш аземине Египеттин президенти Абдел Фаттах ал-Сиси жана Түркиянын президенти Режеп Тайып Эрдоган сыяктуу бир катар мусулман өлкөлөрдүн лидерлери катышты. Reuters агенттиги жазгандай, Катардын эмири шейх Тамим бин Хамад Аль Тани дүйнөлүк чемпионат түрдүү ишенимдеги адамдардын башын бириктиргенин айтты. Биринчи жолу араб өлкөсүндө уюштурулган футбол чемпионатынын алгачкы беттеши... Читать дальше...

Түркия Сирия менен Ирактын түндүгүндөгү күрт кошуундарынын позицияларын бутага алган аба чабуулдарын баштады. Бул тууралуу Түркиянын Коргоо министрлиги 20-ноябрда жарыялады. Маалыматка ылайык, түрк аскердик учактары Түркияда террордук уюм деп эсептелген Күрд жумушчулар партиясынын (PKK) жана Сириядагы Элдик коргонуу кошуунунун (YPG) позицияларына сокку уруп жатат. Түрк бийлиги "Чеңгел-Кылыч" деп аталган бул аскердик операциясын Бириккен Улуттар Уюмунун уставынын 51-беренесинин негизинде өзүн-өзү... Читать дальше...

Египеттин Шарм-эль-Шейх шаарында уюштурулган COP27 саммитинин акыркы күнүндө климаттын өзгөрүшүнөн эң көп жапа чеккен өлкөлөргө жардам көрсөтүүчү фонд түзүү демилгеси колдоо тапты. Бириккен Улуттар Уюмунун климаттын өзгөрүшүнө арналган бул иш-чарасына катышкан дүйнөнүн 200дөй өлкөсүнүн делегациялары акыркы келишимди жекшембинин таңына чейин талкуулашты. Келишимге ылайык, климаттагы өзгөрүүлөр түрткү берген суу-ташкын, кургакчылык жана ачарчылык сыяктуу жаратылыш кырсыктарына туш болгон жакыр мамлекеттерге кенемте төлөнөт. Читать дальше...

Казакстанда жекшемби күнү өтүп жаткан кезексиз президенттик шайлоодо кечки саат 18:00гө карата жалпы шайлоочулардын 67,85 пайызы добуш берди. Казакстандын Борбордук шайлоо комиссиясынын маалыматына ылайык, добушканалар ачылган алгачкы 10 сааттын ичинде шайлоочулар тизмесиндеги 12 миллионго чукул адамдын 8,1 миллиондон ашыгына бюллетень берилди. Түркистан облусунда шайлоочулардын 80,25 пайыздан ашыгы добуш берип үлгүрсө, эң төмөнкү көрсөткүч Алматы шаарында катталды. Бул шаарда шайлоочулардын 27,93 пайызы гана добуш берди. Читать дальше...

Бишкекте жүздөгөн жеткинчектер күн сайын маршруттук унаа, троллейбус, автобустарга тыгылып, батпай калгандары жөө-жалаңдап мектепке барууга аргасыз. Шаарда коомдук транспорт көйгөйү көп жылдан бери чечилбей турат.

21-ноябрда Чүй облусунун көпчүлүк аймактарда, Жалал-Абад, Ысык-Көл, Нарын облустарынын айрым жерлеринде жамгыр жаап, тоолуу аймактарда карга айланат. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн 1…6, күндүз 6…11; Талас өрөөнүндө түнкүсүн -2…+3, күндүз 4…9; Баткен, Ош, Жалал-Абад облустарында түнкүсүн 0…5, күндүз 7…12; Ысык-Көл облусунда түнкүсүн -3…2, күндүз 2…7; Нарын облусунда түнкүсүн -4…-9, күндүз -3…+2; Бишкек... Читать дальше...

Кыргызстанда биринчи жолу гендердик облигациялар сатыкка чыкты. Бул тууралуу президенттик администрациядан кабарлашты. Маалыматка ылайык, аялдардын ишкердигин колдоого багытталган облигациялар Кыргызстандагы ишкерлердин демилгеси менен чыгарылган. Баалуу кагаздар аялдардын укуктарын жана мүмкүнчүлүгүн кеңейтүүгө багытталган долбоорлорду каржылоого багытталган. Түшкөн каражат айыл чарбасы жана кызмат көрсөтүү жаатындагы чакан жана орто ишканаларга насыя катары берилет. Насыяны айымдар негиздеген же жетектеген... Читать дальше...

Бүгүн Катарда футбол боюнча дүйнөлүк чемпионат башталууда. Алгачкы беттеш Бишкек убактысы боюнча саат 22:00дө Катар жана Эквадордун курама командаларынын ортосунда болот. 18-декабрга чейин уланчу чемпионатта 32 өлкөнүн курама командалары беттешет. Алар: A тобу: Катар, Эквадор, Сенегал, Нидерланддар; B тобу: Англия, Иран, АКШ, Уэльс; C тобу: Аргентина, Сауд Арабиясы, Мексика, Польша; D тобу: Франция, Австралия, Дания, Тунис; E тобу: Испания, Коста-Рика, Германия, Жапония; F тобу: Бельгия... Читать дальше...

АКШнын Кыргызстандагы жаңы дайындалган элчиси Лесли Вигери Мамлекеттик департаментте ант берип, кызматка киришти. Бул тууралуу Кошмо Штаттардын Кыргызстандагы элчилиги Твиттердеги баракчасына жарыялады. Вигери буга чейин АКШнын Мамлекеттик департаментиндеги бюродо Борбор Азия жана Пакистан боюнча катчынын жардамчысынын орун басары болуп иштеген. Ошондой эле АКШнын Өзбекстандагы элчисинин орун басары болгон, Индияда жана Орусияда дипломатиялык кызматтарда иштеген. АКШнын Кыргызстандагы буга... Читать дальше...

Казакстандын мурдагы президенти Нурсултан Назарбаев Астанада  кезексиз президенттик шайлоодо добуш бергенден кийин журналисттердин айрым суроолоруна жооп берип жатып Улуттук коопсуздук комитетинин экс-төрагасы Карим Масимовдун артында ким турганын билбегенин айтты.  Ал «мамлекеттик чыккынчылыкка» айыпталып, ушул аптада соту башталган Масимов тууралуу журналисттердин суроосуна жооп берип жатып: «Мени бул суроо кызыктырат. Тергөөнүн жана соттун жыйынтыгын күтүп жатам. Эмне себеп болгон жана бул маселенин артында ким турган? Читать дальше...

15-ноябрда Филиппинде жана Доминикада туулган эки ымыркай символикалык түрдө дүйнөнүн 8 миллиардынчы жашоочусу деп аталды. Калктын өсүшү кандай кыйынчылыктар, көйгөйлөр менен коштолот? Келечекте Жер планетасын кандай демографиялык тенденциялар күтүп жатат?

Жер планетасы өз алдынча климатты калыбына келтире алары белгилүү болду. Окумуштуулар отуруп иштөөнүн ордун канча сааттык машыгуу толтура аларын эсептеп чыгышты. Казакстанда англисче-казакча жана казакча-англисче Оксфорд сөздүгү жарык көрөт. “Азаттыкта” узаган аптадагы илим жаңылыктарынын топтому.  Англисче-казакча Оксфорд сөздүгү жарык көрөт Белгилүү Oxford University Press басмасы англисче-казакча сөздүгүн түзүүгө расмий уруксатын берди. Эми 60 миң сөздү камтыган 1300 бет Oxford Qazaq Dictionary сөздүгү жарык көрөт. Читать дальше...

Бишкек-Ош жолунун Каракөл шаарындагы бөлүгүндө 19-ноябрдагы жол кырсыгынан алты адам каза болду. Жалал-Абад облустук милициясы билдиргендей, «Форд-Транзит» үлгүсүндөгү кичи автобус жана «Скания» үлгүсүндөгү жүк ташуучу унаа кагышкан. Анын кесепетинен кичи автобустун айдоочусу жана беш жүргүнчүсү мүрт кеткен. Мындан сырткары ар кандай жаракаттар менен үч жүргүнчү ооруканага жеткирилди. Учурда кырсык боюнча иш козголуп, тергөө иштери жүрүп жатат.(BkA/TB)

Эл аралык Human Rights Watch (HRW) уюму кыргыз бийлиги сунуштаган бейөкмөт уюмдар жөнүндө мыйзам долбоору жарандардын эркин чогулуу укугун чектеп, өкмөттүк эмес уюмдарга басымды күчөтөт деп эсептейт. Мындай билдирүү эл аралык уюмдун сайтына жарыяланды. Анда HRW жаңы сунушталган мыйзам долбоору  бейөкмөт уюмдардын жабылышына алып келет деген чочулоосун билдирген. «Кыргызстандын өкмөтү жарандык коомдун ишмердигин чектеген пландарынан баш тартып, анын ордуна эркин чогулуу укугун камсыздоо боюнча эл аралык милдеттемелерин аткарышы керек»... Читать дальше...

Жети-Өгүз районундагы Тосор айылында эл аралык спорт комплекси курулат. Бул тууралуу 19-ноябрда өткөн Министрлер кабинетинин жыйынында белгилүү болду. Андагы маалыматка ылайык, комплексти куруу үчүн айылдын аймагынан 72 гектардан ашык жер тилкеси өкмөт алдындагы Туризмди колдоо фондуна бөлүнүп берилет. Комплекстин курулушун 2023-жылы жазында баштоо пландалууда. Анын алдын ала наркы 20 миллион доллар деп эсептелип чыккан. Курулуш аталган фонддун уставдык капиталы жана сырттан тартылган каражаттын эсебинен жүргүзүлөт. Читать дальше...

Кезексиз президенттик шайлоого карата Казакстанда 10 миңден ашык добушканалар ачылып, добуш берүү жүрүп жатат. Шайлоодо учурдагы президент Касым-Жомарт Токаев жана андан башка беш талапкер ат салышууда. Алар: Социалдык кызматкерлердин улуттук альянсынан көрсөтүлгөн Каракет Абден, Жалпы улуттук социал-демократиялык партиядан көрсөтүлгөн Нурлан Ауесбаев, «Ауыл» партиясынан Жигули Дайрабаев, «Аманат» кесиптик кошуундар шериктештигинен Мейрам Кажыкен жана «Казак энелери-салка жол» коомдук бирикмесинен көрсөтүлгөн Салтанат Турсынбекова. Читать дальше...