Новости за 26.11.2022

Касым Сулайманов адеп-ыймандык темаларды арбын козгогон жазуучу эле. Таажы вирус таланттуу калемгерди алып кетпесе чыгармачылык ой-пландарынын бир тобун ишке ашырып кетмек. Бул ирет жазуучунун “Кыз алган жар” аңгемеси тууралуу сөз кылабыз. "...трактор жытыңдан" Муктардын айылдашы Марал ачык-айрым, шайыр кыз болчу. Ошон үчүн алдына келгенде мукактанып сөз таппай калчу жоош жигиттин тракторуна өзү түшүп, жөн кетпей кучактап туруп эки бетинен өөп жатпайбы. "Ох, трактор жытыңдан" деп ошондо айткан. Читать дальше...

Бишкекте Элдик курултайдын жыйыны бүттү. Анын экинчи күнүндө Кемпир-Абад иши боюнча камакта жаткан саясатчы, активисттерди бошотуу маселеси көтөрүлдү. Айрым делегаттар президент Садыр Жапаровду командасын тазалоого чакырып, жемкорлук менен күрөш акыйкат жүрбөй жатканын айтышты. Курултайда камактагылардын маселеси көтөрүлдү Курултайдын экинчи күнүндө президент Садыр Жапаров делегаттарга кайрылып кайсы аймакка канча мектеп, бала бакча, маданият үйүн куруу тууралуу социалдык көйгөйлөрдөн бийликтин кабары бар экенин айтып... Читать дальше...

27-ноябрда түнкүсүн Чүй, Ысык-Көл облустарынын айрым жерлеринде кар аралаш жамгыр, тоо этектеринде жана тоолуу райондорунда кар жаайт. Күндүз жаан-чачын жаабайт. Тоолуу аймактарда жолдор тоңголок, тайгак болот. Батыштан соккон шамалдын ылдамдыгы секундасына 4-9 метрден, Ысык-Көл, Нарын облустарынын айрым жерлеринде 15-20 метрге жетет. Абанын температурасы: Чүй өрөөнүндө түнкүсүн -1…-6, күндүз 1…6 Талас өрөөнүндө түнкүсүн -2…-7, күндүз 1…6 Баткен, Ош, Жалал-Абад облустарында түнкүсүн -2…+3... Читать дальше...

Шинжаң-Уйгур автоном районунун борбору Үрүмчүдө коронавируска байланыштуу чектөөлөргө каршы нааразылыктар болуп жатканы кабарланды. Социалдык тармактарга жарыяланган видео-сүрөттөрдө жоон топ адамдар беткапчан жана коргоочу кийимдерди кийген кишилердин тосконуна карабай, сүрүп өтүүгө аракет кылганы тартылган. Британиянын Financial Times басылмасы наарызылык көп кабаттуу үйдө өрт чыккандан кийин күч алганын жазды. Маалыматтарга ылайык, чектөөлөрдөн улам куткаруучулар өрт чыккан жерге убагында жете албай, он адам каза болгон. Читать дальше...

Элдик курултайдын экинчи күнүндө Кемпир-Абад иши боюнча камакта жаткан саясатчы, активисттерди бошотуу маселеси көтөрүлдү. Айрым делегаттар президент Садыр Жапаровду командасын тазалоого чакырып, жемкорлук менен күрөшүү акыйкат болбой жатканын айтышты.

Бишкектеги 26-ноябрда эки күндүк курултай жыйынтыкталып, анда чечим жана резолюция кабыл алынды. Чечимде "президент Садыр Жапаровдун баяндамасы жактырылсын, Жогорку Кеңештин төрагасы Нурланбек Шакиев менен өкмөт башчы Акылбек Жапаровдун баяндамалары эске алынсын",-деп жазылды. Курултайдын экинчи күнүндө президент Садыр Жапаров делегаттарды мектеп жана бала бакча көйгөйүн көтөрбөөнү өтүндү. Анда аймактардан шайланып келген делегаттардын чыгып сүйлөөсү уланды. Ошондой эле ар бир облустан жана Бишкек менен Ош шаарынан... Читать дальше...

Президет Садыр Жапаров курултайда мамлекет башчысы менен Улуттук коопсуздук комитетинин (УКМК) төрагасы Камчыбек Ташиевдин байланышын сындаган Оштун Алай районунан келген делегат Алмаз Жоробаевди өзүнчө кабыл алууну убада кылды. "Сиз "биринчи президент, экинчи Ташиев" дедиңиз. Биз эмне кылмыш кылып жатабыз? Кемчиликтерибизди ачык эле айтыңыз. Эмнеге жакшы көрбөй калдыңыз, эмнеге сүйбөй калдыңыз, ошону толуктап айтып кетпейсизби? Келиңиз, кабыл алам",-деди Жапаров. Мунун алдында делегат Алмаз Жоробаев Жапаров-Ташиев тандемин сындап... Читать дальше...

Президент Садыр Жапаров элдик курултайда делегаттар айткан маселелерге жооп берип жатып, Нарынга логистикалык борбор куруу маселесине токтолду. Ал бир жылдан ашык убактан бери аны салууга инвестор чыкпай жатканын маалымдады. "Былтыр Ат-Башыга барып, эл менен жолуктум. Мен камакта жатканда бул жерге логистикалык борбор салалы десе элдер ызылдап, салдырбай койгон эле. Мен кийин изилдесем, ал 100% пайдасы бизге тийген борбор экен. Ошол жерден жадагалса электромобилдерди чыгармак экенбиз. Элге түшүндүргөндөн кийин "болду... Читать дальше...

Президент Садыр Жапаров курултайда кыргыз-тажик чек арасын тактоо маселелери тууралуу учкай маалымат берди. Анда жакында эки тараптуу сүйлөшүү Кыргызстанда өтөрүн, анда тиешелүү документтерге кол коюлгандан кийин парламентке алынып келерин айтты. "Тажикстан менен алдын ала сүйлөшүүлөргө жетиштик, бирок кол кое элекпиз. Эки тарап тең макул болдук. Камчыбек Кыдыршаевич (Ташиев) барып, алдын-ала кол коюп келди. Эми алар жакын арада бизге келишет, кол коюшат. Андан кийин биз аны парламентке алып барабыз, буга чекит коебуз. Читать дальше...

Президент Садыр Жапаров курултайда Жогорку Кеңештин мурдагы депутаты Жылдыз Жолдошеванын башкаруу системасын өзгөртүү сунушуна жооп берди. Ал президенттик башкарууну туура деп эсептерин айтты. "Биз парламенттик, президенттик-парламенттик башкарууну да көрдүк, мен экөөндө тең иштедим, жыргап кеткен жокпуз. Буга чейин үч баштуу бийлик болду. Эч бир маселе чечпей, бири-бирине шылтап отура берип, бир кагаз үч жылдап кабыл алынбаган учурлар болгон экен. Анткени жооп берип калбайын деп эле бири-бирине түртө берген. Читать дальше...

Орусиянын борбору Москва шаарында мурдагы "Киргизия" кинотеатрынын ордуна жаңы коомдук борбор ачылды. Беш кабаттан турган борбордун жалпы аянты 27 миң чарчы метрди түзөт. 25-ноябрда бул жайдын ачылыш аземи өтүп, ага Кыргызстандын Орусиядагы элчиси Гүлнара-Клара Самат катышканын элчиликтен кабарлашты.  Элчи имараттын ээси "Эдисонэнерго" ишканасынын жетекчиси менен сүйлөшүлгөнүн, ал жерде Кыргызстанда өндүрүлгөн азык-түлүктөр сатылып, кыргыздын улуттук тамак-аш борборлору жана соода аянтчалары жайгаштырыларын билдирди. Читать дальше...

Кыргызстанда калкка берилген насыянын дээрлик жарымы күнүмдүк керектөөгө колдонулат. Улуттук статистика комитетинин расмий маалыматында быйыл өлкөдө 28 миллиард сомдон ашуун насыя берилсе, анын ар бир экинчиси буюм-тайым сатып алууга, той-топур өткөрүүгө жумшалган. Ал эми айыл чарба, соода-сатык, өндүрүшкө берилген насыялар тескерисинче азаюуда. "Элдик экономика" түрмөгүндө ушул көрүнүштү эксперттер менен бирге талдайбыз. Абал кандай? Улуттук статистика комитетинин эсептөөлөрү боюнча, 2022-жылдын... Читать дальше...

26-ноябрда Бишкекте өтүп жаткан Элдик курултайда делегат Баатырбек Исмаилов президент Садыр Жапаровдон камакта жаткан саясатчыларды, активисттерди үй камагына чыгарууну сурады. Ал өлкө башчыны командасын тазалоого чакырып, жемкорлук менен күрөшүү акыйкат болбой жатканын айтты. “Мыйзам такыр тетири жолго кетип баратат. Азыр камакта жаткан активисттер сиз түрмөдө жатканда чырылдап сизди чыгарткан. Эми мыйзамды сыйлабай камап койдуңар. Ушул жерде сиздин жан-жөкөрлөрүңүз күлүп отурат. Алар үч президентти каякка жибергенин билесиз. Читать дальше...

Улуттук коопсуздук боюнча мамлекеттик комитети (УКМК) 31-октябрда сотко чейинки текшерүү ишинин алкагында "Каракол жылуулук камсыздоо" мамлекеттик ишканасынын финансы-чарбалык иштеринде мыйзам бузууларды аныктаган. Андан кийинки текшерүү процессинде Энергетика министрлигине караштуу "Кыргызжылуулукэнерго" мамлекеттик ишканасынын Каракол шаардык башкармалыгынын жетекчиси О.А.Ж. УКМК кызматкерине текшерүүнү токтотуу жана финансылык мыйзам бузууларды аудитордук актыга чыгарбоону суранып, ал үчүн акча сунуштаган. Читать дальше...

Элдик курултайда оппозициялык Бириккен демократиялык кыймылдын өкүлү Сапар Аргымбаев бийликке байланыштуу бир катар маселерди көтөрдү. Ал президент Садыр Жапаров убагында оппозицияда жүргөндө ага кылмыш ишин козгогон прокурорлордун, соттогон соттордун жоопкерчилиги каралбай калганын айтты. Мындан улам аларга чара көрүлүшү керектигин, бул азыр дагы буйрук аткарып жаткандарга сабак болорун белгиледи. "Урматтуу Садыр Жапаров, сиздин жаныңызда жүргөн кошоматчыларга бир гана сөзүм бар: токтоткула!... Читать дальше...

Кыргыз-тажик чек арасындагы 14-17-сентябрда болгон кандуу кагылыштан кийин Баткен облусунун айылдарында кыйраган үйлөрдү тургузулуп жатат. Бирок аймактын айрым тургундары суук түшүп калганына карабай курулуш иштери жай жүрүп жатканын айтып даттанууда. "Азаттыктын" кабарчысы Ак-Сай жана Капчыгай айылдарына барып абал менен таанышып келди.

Ирандын футбол боюнча улуттук курама командасынын мурунку оюнчусу Вурия Гафурини полиция бейшембиде машыгуудан чыгып келе жатканда кармап, камакка алынды. Гафуринин кармалганын күрттөрдүн Hengaw укук коргоо уюму тастыктады. Ал "мамлекетке каршы үгүт" үчүн айыпталып жатканы кабарланууда. Гафури Иранды демократиялык өлкөгө айландырууну, аялдардын укугун коргоону ачык жактап, сентябрдан бери жалпы өлкөдө жүрүп жаткан нааразылык акцияларын колдоп турган.  Вурия Гафури Иранда кысымга алынып келген күрт азчылыгынын өкүлү. Читать дальше...

Азыр жаштардын көбү официант болуп иштөөнү тандайт. Бир караган кишиге оңой көрүнгөнү менен алардын да элге көрүнбөгөн түйшүгү чоң. “Азаттык+” бул ирет официанттардын иши менен жакындан тааныштырат.

Касым-Жомарт Токаевдин инаугурациясы бүгүн, 26-ноябрда Астанадагы Эгемендик сарайында өттү.  "Казакстан элине ак кызмат кылууга, Конституцияны жана мыйзамдарды сактоого, жарандардын укугуна жана эркиндигине кепилдик берүүгө, Казакстандын президенти катары мага жүктөлгөн бийик милдеттерди абийирдүүлүк менен аткарууга салтанаттуу ант беремин", - деди ал. "Азаттыктын" казак кызматынын кабарлашынча, салтанатка депутаттар, аткаминерлер жана чет элдик дипломаттар катышты. Казакстандын Борбордук... Читать дальше...

Өлкөдө аялдар арасында жумушсуздардын пайызы өтө жогору бойдон калып жатканы айтылып келет. "Эже-сиңдилер" берүүсүндө эмне үчүн мындай болуп жатканын талкуулап, аялдар үчүн жумушту кайдан жана кантип издөө керек экенин адистерден сурайбыз.

Элдик курултайдын экинчи күнүндө Оштун Алай районунан келген делегат Алмаз Жоробаев президент Садыр Жапаров менен Улуттук коопсуздук комитетинин (УКМК) төрагасы Камчыбек Ташиевдин байланышына токтолду. Мындан улам ал мамлекет башчысына кайрылып, коомчулуктагы айрым сөздөргө көңүл бурууга чакырды. "Садыр Нургожоевич, сиздин башында айткан "Мен Исхак Раззаковду кумир тутам" деген сөзүңүз бар. Ошол кумириңиздин, Раззаковдун басып өткөн жолун, өмүр баянын анча-мынча, күнүгө бир жолу эстеп коюңуз.... Читать дальше...

Кыргызстан менен Тажикстандын чек арасындагы куралдуу кагылыштан жабыркаган Баткен облусун калыбына келтирүү иши жай жүрүп жатканы Элдик курултайда да көтөрүлдү. 26-ноябрда Бишкекте өтүп жаткан курултайдын экинчи күнүндө бул маселени Баткен шаарынан келген делегат Кайым Айкынов айтып чыкты. Ал чек арада эң биринчи коопсуздук камсыз кылып берүүгө чакырды. “Быйылкы согушта 360тан ашык үй күйдү. Азыр алар курулууда. “Курулуш үч айда бүтүп эл кышка чейин үйлөргө кирет” деген сөз болду эле. Тургундар... Читать дальше...

26-ноябрда Бишкекте Элдик курултайдын экинчи күнүндө Кыргызстан менен Америка Кошмо Штаттарынын жаңы келишими тууралуу маселе көтөрүлдү. АКШдан шайланып келген делегат Бакай Оморов эки өлкөнүн ортосунда келишимдин жоктугунан элчиликтин жасаган иштери текке кетип жатканын айтты. Кыргызстан менен АКШнын ортосундагы кызматташтык жөнүндө макулдашууга 1993-жылы 19-майда Вашингтондо кол коюлган. Бул стратегиялык документти кыргыз өкмөтү 2015-жылдын 21-июлунда бир тараптуу денонсациялаган. Быйыл май... Читать дальше...

Курултайдын экинчи күнүндө Жалал-Абад облусуна караштуу Чаткал районунан келген делегат Жылдызбек Абибакир уулу аймактагы кен казуу, экология маселесин көтөрдү. Ал президент Садыр Жапаровго кайрылып кен казган компаниялардын ишин иликтеп, берилген лицензияларды ирээтке келтирүүгө чакырды. "Кенге байланыштуу аябай чоң проблемаларыбыз бар. Чаткалдын тешилбеген жери калган жок, жүздөн ашуун лицензия сатылып кеткен. Садыр Нургожоевич, сизден ошол лицензияларды кайтарып алууну суранабыз. Бүгүнкү күндө алар салыгын гана төлөйт... Читать дальше...

Бишкекте элдик курултайдын экинчи күнүндө президент Садыр Жапаров сүйлөй турган делегаттарга кайрылып, мектеп жана бала бакча маселесин көтөрбөөнү суранды. Аларды башка олутутуу көйгөйлөргө көңүл буруп, бул багытта сунуш берүүгө чакырды. "Кечээ сүйлөгөндөрдүн көпчүлүгү мектеп, бала бакча, маданият үйлөрү, спорт комплекстери тууралуу суранышты. Бүгүн сөз алгандар башка орчундуу проблемаларды айтып, сунушунарды берсеңер. Мектеп менен бала бакчалар биздин көңүл чордонубузда турган маселе. Биз кайсы айылдын мектебин жаңыртуу керектигин билебиз. Читать дальше...