Во САД денеска се одржуваат избори за Конгресот и за властите во сојузните држави на кои демократите би можело повторно да станат важен фактор на политичката сцена и да го забрзаат заминувањето на претседателот Доналд Трамп. Ентузијазмот на избирачите е многу поголем од претходните избори. Досега предвремено гласале над 35 милиони Американци, што е за над 67 насто повеќе од 2014 година кога исто така се решаваше за мнозинство во Конгресот. Американците избираат 435 членови на Претставничкиот дом на Конгресот и третина од членовите на Сенатот, гувернери и парламенти во повеќето сојузни држави. Историјата е на страната на демократите, бидејќи партијата на оној пто е во Белата куќа главно ги губи изборите за Конгресот на средината на неговиот прв мандат. Анкетите во текот на годинава и даваа предност на Демократската партија.