Најбогатиот човек на светот веќе 20 години зема иста плата

Најбогатиот човек на светот, еден од акционерите во гигантот „Амазон“, Џеф Безос, веќе две децении зема иста плата - 81.840 долари, објави Си-ен-ен, но компанијата секоја година му дава бонуси по различни основи само за да го задржи на раководната позиција.


Безос од 2010 година редовно добива околу 1,6 милиони долари годишно за услуги поврзани со хартии од вредност и бизнис патувања и околу 1,1 милион долари од 2003 година, кога компанијата започна да ги пријавува трошоците за акции како дел од вкупниот надоместок за Безос.


„Амазон“ е основана во 1994 година, а три години почна јавно да ги објавува резултатите и информациите откако излезе на берза. Безос располага со 16% од акциите на Amazon што вредат повеќе од 100 милијарди долари.


Безос зема иста плата од 1998 година, а претходните неколку години земал дури пониска. Во 1997 година платата на Безос била 79.197 долари, а една година претходно 64.333 долари.