Обвинителството бара притвор за негувателката што малтретираше дете
„Осомничената, во игротека во еден угостителски објект, малтретирала двегодишно дете за кое била ангажирана како негувателка. Притоа таа повеќепати го удрила детето кое се здобило со телесни повреди. За ова кривично дело е предвидена казна затвор од една до десет години“, соопшти попладнево Јавното обвинителство.
Обвинителот побарал одредување притвор за осомничената.
Македонската асоцијација на дадилки најостро го осуди однесувањето на дадилката која тепала двегодишно дете. Асоцијацијата бара најостра казна за неа. Оттаму наведуваат дека поради ваквите случаи сите дадилки, негувателки и воспитувачки се ставени во положба на сомнеж, а родителите се плашат да ангажираат дадилки.