Kan slå Ødegaard og bli tidenes yngste
Daniel Skaarud (15) blir eit alternativ for Lillestrøm i søndagens toppkamp mot Molde. Får stortalentet speletid, blir han tidenes yngste i Eliteserien.
LSK opplyser at Skaarud er i troppen til møtet med den suverene serieleiaren.
– Eg fekk vite det i går kveld, og det er veldig gøy å få lov til å vere med dei store gutane på ein så stor kamp. Eg gleder meg veldig, seier han.
Skaarud er 15 år og 29 dagar når Molde gjestar Åråsen. Det er Martin Ødegaard som har rekorden som tidenes yngste spelar i Eliteserien. Han var 15 år og 117 dagar då han debuterte for Strømsgodset i april 2014.