په هرات کې د زعفرانو دوه ورځنی نندارتون پای ته ورسېد
د دغه ولایت د کرنې او مالدارۍ رئیس بشیر احمد احمدي وايي، د دغه نندارتون د جوړولو هدف د زعفرانو په کښت او تولید د بوختو کسانو هڅونه او دغه کرنیز محصول ته ښه بازار موندنه ده.
د ښاغلي احمدي په خبره په هرات ولایت کې سږ کال څه باندې ۱۲ زره ټنه زعفران تولید شوي چې له ښه کیفیته برخهمند دي.
د ده په خبره په دغه ولایت کې په ۶۰۰۰ زره هکټاره ځمکه کې زعفران کرل شوي چې له لارې یې له زرو ډېرو کورنیو ته د کار زمینه هم برابره شوې ده.
د هرات ولایت د کرنې ریاست د مسؤلینو په خبره د هېواد ۹۰ سلنه زعفران په هرات کې توليدېږي چې پهدې برخه کې ۳۸ ټولنې او ۴۱ شرکتونه فعالیت لري.
دا په هرات ولایت کې د زعفرانو څلورم کلنی نندارتون و چې په ۲۳ غرفو کې د دغه ولایت زعفران پهکې نندارې ته اېښودل شوي وو.