شمالي کوریا ادعا کړې چې یوه نوې تکتیکي وسله یې ازمویلې
د دې هېواد دولتي خبري اژانس ویلي، دغه وسله د رهبري شوې الوتنې او قوي سروکې لېږدولو قابلیت لري، خو پهدې اړه یې نور جزئیات نهدي ورکړي.
د شمالي کوریا مشر کېم جونګ اون د دغې نوې وسلې ازموینه د خپل هېواد د جنګي قدرت د پیاوړتیا لپاره مهمه وبلله.
تر دې یوه ورځ مخکې په امریکا کې مېشت د ستراتیژیکو او نړیوالو مطالعاتو څیړنیز مرکز ویلي و چې د شمالي کوریا د اټمي وسلو پر ځای کې فعالیتونه لیدل شوي دي.
دا د امریکا له ولسمشر ډونالډ ټرمپ سره د کېم د دوهمې کتنې وروسته لومړی ځل دی چې پیونګ یانګ په ښکاره د یوې وسلې د ازموینې خبر ورکوي.