اتمر د اسلامي پراختیا بانک له مشر سره د پراختیایي پروژو پر تمویل خبرې وکړې
محمد حنیف اتمر پرون په درې ورځني سفر سعودي عربستان ته لاړ.
د بهرنیو چارو وزارت ویاند ګران هېواد پرون ازادي راډیو ته وویل: "د دې سفر موخه د دواړو هېوادونو ترمنځ د دوه اړخیزو اړیکو پراختیا، د افغانستان د سولې له پروسې د سعودي له ملاتړه قدرداني او د اقتصادي او تجارتي اړیکو پراختیا ده."
سعودي عربستان تر دې مخکې په وار وار د افغان دولت په مشرۍ د سولې پروسې ملاتړ څرګند کړی و.