د جورج فلوېډ وژنه؛ امریکايي افسر دیریک شاوون مجرم وپېژندل شو
دغه ۱۲ کسیز پلاوي پرون سې شنبه (د وري ۳۱مه) لس ساعته بحثونه وکړل او ۴۵ کلن شاوون یې د وژنې په تورونو مجرم وپیژند.
شاوون اوس له لسګونه کاله قید سره مخامخ دی.
متخصصانو ویلي، دا افسر به د استناف غوښتنه وکړي.
مجرم پېژندل شوي پخواني افسر تېرکال په مې میاشت کې د یوه تورپوستي امریکایي جورج فلوېډ پر مرۍ ۹ دقیقې زنګون ایښي و چې وروسته هغه سا ورکړه.
د رویټرز خبري اژانس د راپور له مخې، د وژل شوي تورپوستي سلګونه پلویان د دغه حکم پرمهال د محکمې مخې ته راټول شوي او ښادۍ یې کړي دي.