Afrika e Jugut thotë se nuk mund të pranojë refugjatë afganë
Kjo pasi ky shtet tashmë ka pranuar “një numër të konsiderueshëm” të refugjatëve të vendeve të tjera.
Qeveria tha se i është kërkuar “të konsiderojë pranimin e një numri të refugjatëve afganë që kanë shkuar në Pakistan”.
“Kërkesa është që ata të vendosen në Afrikë të Jugut përgjatë rrugës në destinacionet e tyre përfundimtare”, tha Ministria e Jashtme në një deklaratë të mërkurën.
“Shumë prej refugjatëve [aktualë] përfitojnë nga asistenca sociale dhe programet e kujdesit shëndetësor pa pagesë të ofruar nga shteti jonë”, thanë nga qeveria.
Duke qenë vendi më i industrializuar në botë, Afrika e Jugut është një destinacion i madh për emigrantë nga vendet fqinje dhe përtej.
Ky shtet po ashtu ka një ndër rregulloret më të përparuara për refugjatë në botë, që ka ndihmuar në tërheqjen e mbi 1 milion azilkërkuesve në mes të viteve 2007 dhe 2015
Talibanët në Afganistan festuan të martën pasi trupat e fundit të Shteteve të Bashkuara të Amerikës u larguan nga vendi, duke shënuar fundin e luftës 20 vjeçare.
Rikthimi i tyre në pushtet i detyroi shtetet e Perëndimit që t’i evakuojnë qytetarët e tyre dhe afganët që kanë frikë nga hakmarrja e talibanëe pasi punuan me forca të huaja brenda shtetit.