Новости за 22.11.2022

Мудири Хадамоти разведкаи берунии Русия дар Душанбе бо раиси ҷумҳури Тоҷикистон "масъалаҳои вобаста ба таъмини амният"-ро баррасӣ кардааст.

Камбуди нерӯи барқ дастрасии сокинони як маҳалларо дар ноҳияи Муъминобод ба об мушкил ва зиндагияшонро сахт кардааст. Онҳо аз мақомот мепурсанд, ки масъала кай ҳал хоҳад шуд. “Барқи Тоҷик” маҳдудияти интиқоли нерӯи барқро ба хонаҳои мардум тасдиқ карда, аммо муҳлати анҷомашро нагуфтааст.

Иттиҳоди Аврупо барои рушди рақамисозии Қирғизистон 3 миллион евро медиҳад. Дар ин бора дар Вазорати корҳои хориҷии Қирғизистон хабар доданд.

Кумисюни марказии интихоботии Қазоқистон рӯзи 22-юми ноябр натиҷаҳои ниҳоии интихоботи президентиро эълон кард. Нозирони ғарбӣ интихоботро бидуни рақобат номиданд.

Додгоҳи шаҳри Душанбе шикояти Далери Имомалӣ ва Абдуллоҳ Ғурбатӣ, ду рӯзноманигори зиндонии тоҷикро баррасӣ хоҳад кард.

Телевизиони давлатии Эрон гузориш додааст, ки ин кишвар дар коргоҳи ҳастаии Фарду ғанигардонии уранро то 60 дарсад хоҳад расонд.

Рӯзи сеюми Ҷоми ҷаҳонии футбол-2022 дар Қатар – 22-юми ноябр - бо бозии гурӯҳи С миёни дастаҳои мунтахаби миллии Аргентина ва Арабистони Саудӣ шуруъ шуд. Ин бозӣ, ки дар варзишгоҳи «Лусаил Айконик»-и шаҳри Давҳа доир гардид, бо пирӯзии саудиҳо бо ҳисоби 2:1 ба поён расид.

Бар асари заминларзаи сахт дар Индонезия камаш 162 кас ба ҳалокат расида, садҳо нафари дигар маҷруҳ шудаанд. Ҳодиса рӯзи 21-уми ноябр рӯй дод.

Додгоҳи олии иқтисодии Тоҷикистон ширкати “Тоҷиктрансгаз”-ро вазифадор кардааст, ки ба Вазорати молия беш аз 15 миллион доллар бипардозад. Маълум нест кай ва чӣ гуна. Мақомот онро қарзи давлатӣ ва баҳраву ҷаримааш ҳисоб кардаанд. Вазорат розӣ нест.

Кишварҳои Иттиҳоди Аврупо ва Осиёи Марказӣ моиланд, ки бо канор гузоштани Русия, барои рушди долонҳои ҳамлу нақл ҳамкориро тақвият бахшанд.

Иёлоти Муттаҳида аз вазъи саломати Шамил Ҳакимов, узви зиндонии "Шоҳидони Яҳво", як шохаи дини насронӣ, дар Тоҷикистон ибрози ташвиш кард. Сафорати Амрико рӯзи 22-юми ноябр дар эъломияе гуфт, ин зиндонии солхӯрда аз беморӣ ранҷ мебарад, вале додгоҳҳо дархости паёпайи ӯро барои муолиҷа рад кардаанд.

Вазорати иқтисод ва тиҷорати Қирғизистон дар лоиҳаи қонуне пешниҳод кардааст, ба шаҳрвандони хориҷие, ки алоқаманди қиморбозӣ дар ин кишвар ҳастанд, иҷозати иқомати бидуни раводид ва сабтином дода шавад.

Наздикони як духтари кушташуда дар ноҳияи Сузаки вилояти Ҷалолободи Қирғизистон рӯзи 21-уми ноябр зидди сокини маҳаллие, ки ба гумони куштор боздошт шудааст, гирдиҳамоии эътирозӣ баргузор карданд.

Дар мусобиқоти байналмилалӣ аз силсилаи ҷаҳонии Федератсияи байналмилалии ҷудо “Тоскулоҳи бузург”, ки рӯзҳои 3-4-уми декабр дар пойтахти Ҷопон - шаҳри Токио – баргузор мешавад, Тоҷикистонро се варзишгар намояндагӣ хоҳад кард.

Телевизиони "Ому" бо такя ба манбаъҳои наздик ба Аҳмад Масъуд, раҳбари Ҷабҳаи муқовимати миллии Афғонистон, хабар додааст, ки ӯ рӯзи сешанбеи ҳафтаи гузашта барои гуфтугӯ бо мансабдорони Русия, ба он кишвар рафтааст.

Вазорати умури хориҷии Қазоқистон ба хулосаи пешакии Дафтари институтҳои демократӣ ва ҳуқуқи башари Созмони Амнияту Ҳамкорӣ дар Аврупо (САҲА) дар бораи назорати интихоботи президентии он кишвар вокуниш кард. Вазорат гуфтааст, "дар хулосаи дафтари САҲА норасоии воқеъбинӣ эҳсос мешавад ва ин муассир будани кори онро ҳамчун ниҳоди муҳими созмон, ки то ба ҳол аз ҷонибдории кишвари мо бархурдор буд, зери суол қарор медиҳад". Ҳамчунин гуфта шуда, ки дар хулосаи дафтари САҲА "иттиҳомҳои тасдиқношуда" дарҷ шудааст. Читать дальше...

Ассамблеяи порлумонии НАТО ба таври якдилона қатъномаеро қабул кард, ки аз тамоми аъзои эътилофи низомӣ даъват мекунад, то режими ҳозираро дар Русия ба таври ошкоро "террористӣ" эълон кунанд.

Дар рӯзи дуюми Ҷоми ҷаҳонии футбол-2022 дар Қатар – 21-уми ноябр - се бозӣ дар гурӯҳҳои А ва В баргузор шуд.

Президенти Узбекистон Шавкат Мирзиёев рӯзи 21-уми ноябр бо сафари расмӣ вориди шаҳри Порис шуд. Хадамоти матбуотии президенти Узбекистон хабар додааст, ки Мирзиёев дар ҷараёни ин сафар бо ҳамтои фаронсавии худ Эммануэл Макрон дидору гуфтугӯ ва масъалаҳои марбут ба рушди ҳамкориҳои дуҷонибаро баррасӣ мекунад. Ҳамчунин имзои 14 санади ҳамкорӣ миёни ду кишвар дар бахшҳои маориф, илм, фарҳанг, авиатсияи шаҳрвандӣ, хадамоти давлатӣ ва мубориза бо коррупсия дар назар аст. Сафар бо даъвати президенти Фаронса анҷом мешавад.