Новости за 24.11.2022

Толибон рӯзи 23-юми ноябр дар варзишгоҳи вилояти Лугари Афғонистон 3 зан ва 9 мардро дар ҳузури садҳо нафар шаллоқ заданд.

Даҳҳо зану духтари афғонистонӣ рӯзи 24-уми ноябр дар Кобул эътироз карданд. Онҳо бо шиорҳое чун “Мо барои ҳуқуқи худ то охир мубориза мебарем ва таслим намешавем” ба хиёбон баромаданд.

Иёлоти Муттаҳида ба садҳо сокини Исфараи Тоҷикистон, ки дар муноқишаи сарҳадӣ бо Қирғизистон осеб дидаанд, ёрӣ фиристод.

Дар Тоҷикистон ба муҳокимаи Парвиз Саидраҳмонов, мубаллиғи ДОИШ ва машҳур бо лақаби "Абу Довуд" оғоз кардаанд. Ҳамсуҳбатони Радиои Озодӣ дар ниҳодҳои қудратии Тоҷикистон рӯзи 24-уми ноябр гуфтанд, ки ӯ моҳе пеш аз Туркия ба Душанбе оварда шуд.

Бунёди Сорос корашро дар Тоҷикистон бас мекунад. Баъзе аз намояндагонаш дар суҳбати бидуни сабт тасмимро ба "тағйири сохторӣ" пайванд доданд. Созмон дар 25 соли буданаш дар Тоҷикистон яке аз манбаъҳои асосии ёрирасон ба ҷомеаи шаҳрвандӣ ва расонаҳои мустақил будааст.

Рӯзноманигори маҳбус Завқибек Саидаминӣ тақозо кардааст, ки ҳукмаш бозбинӣ шавад, Бунёди "Сорос" тарки Тоҷикистон мекунад, волидони маълул талош доранд, ки писари парасторашонро аз артиш баргардонанд . нигаронии паноҳҷӯёни афғон дар Туркия ва матолиби дигар.

Мақомоти Чин дар як рӯз 31 ҳазору 700 мавриди нави гирифториро ба бемории COVID-19 сабт кардаанд. Ин омори рӯзона рекордӣ ба шумор меравад. Рекорди пешинаи гирифторӣ ба коронавирус дар Чин рӯзи 14-уми апрели соли ҷорӣ сабт шуда буд.

Бародараш мегӯяд, вакили мудофеи зиндонӣ Бузургмеҳр Ёров пас аз шиканҷа дар маҳбаси шаҳри Ваҳдат рӯзи 24-уми ноябр ба зиндони низомаш сахттарини Душанбе бурда шудааст. Ҷое, ки ба қавли Ҷамшед Ёров, "ҳаёти ӯ ва чанд нафари дигар зери хатар аст."

Вакили порлумони Қирғизистон Элвира Сурабалдиева рӯзи 24-уми ноябр дар ҷаласаи порлумон гуфт, ба 19 вакиле, ки зидди созишномаи марзӣ бо Узбекистон раъй доданд, фишор оварда мешавад.

Сафар Абдуллоҳ, донишманди тоҷики муқими Қазоқистон, пас аз як бемории тӯлонӣ ба кор баргашт. Ӯ дар шаҳри Алмато зиндагӣ мекунад ва устоди Донишгоҳи равобити байнулмилал ва забонҳои хориҷии Қазоқистон аст. Хабарнигорони Радиои Озодӣ ҳангоми сафар ба Алмато бо Сафар Абдуллоҳ суҳбат карданд.

Сафар Абдуллоҳ, донишманди тоҷики муқими Қазоқистон, пас аз як бемории тӯлонӣ ба кор баргашт. Ӯ дар шаҳри Алмато зиндагӣ мекунад ва устоди Донишгоҳи равобити байнулмилал ва забонҳои хориҷии Қазоқистон аст. Хабарнигорони Радиои Озодӣ ҳангоми сафар ба Алмато бо Сафар Абдуллоҳ суҳбат карданд.

Бошгоҳи “Истиқлол” пас аз бозии даври 22-юми қаҳрамонии футболи Тоҷикистон бо тими “Хуҷанд”, ки рӯзи чоршанбеи 23-юми ноябр дар Варзишгоҳи марказии Душанбе доир гардид, бо Ҷоми қаҳрамонӣ ва медалҳои тилои мусобиқот мукофотонида шуд.

Никол Пашинян, сарвазири Арманистон дар нишасти Созмони Паймони Амнияти Дастҷамъӣ, дар шаҳри Ереван аз имзои тарҳи эъломияи Шӯрои СПАД ва санад дар бораи чораҳои муштараки ёрӣ ба Арманистон худдорӣ варзид. Дар ин бора маркази матбуотии ҳукумати Арманистон хабар дод.

Масъулони Вазорати тандурустии Тоҷикистон хабар доданд, ки шумораи мубталоёни бемории зардпарвин (гепатити А) дар кишвар наздик ба 15 дарсад афзудааст. Ба гуфтаи пизишкон, беморӣ маъмулан дар айёми тирамоҳ бештар мешавад, аммо имсол "аз меъёр зиёдтар аст".

Масъулони Вазорати тандурустии Тоҷикистон хабар доданд, ки шумораи мубталоёни бемории зардпарвин (гепатити А) дар кишвар наздик ба 15 дарсад афзудааст. Ба гуфтаи пизишкон, беморӣ маъмулан дар айёми тирамоҳ бештар мешавад, аммо имсол "аз меъёр зиёдтар аст".

Чаро барои таъсиси як нашрия маълумотнома ё иҷозаи Кумитаи давлатии амнияти миллӣ талаб мешавад? Ин мавзуъ дар нишасте дар Душанбе боиси баҳс миёни намояндагони мақомот ва ҷомеаи шаҳрвандӣ шуд.

Рӯзноманигор Завқибек Саидаминӣ (Солеҳов Завқибек), ки ба 7 сол зиндон маҳкум шудааст, дар номае аз Додгоҳи шаҳри Душанбе хостааст, ҳукмашро бозбинӣ ва бекор кунад.

Порлумони Аврупо рузи чаҳоршанбеи 23 ноябр ба қабул қатъномае Русияро ҳамчун кишвари "пуштибони терроризм" эътироф кард. 494 вакил аз ин қатънома пуштибонӣ карда, 57 нафар раъйи мухолиф доданд ва 44 тан ҳам аз раъй додан худдорӣ намуданд.

Кормандони ширкати "Қазфосфат" дар Тараз 23 ноябр дар пайи ҳодисае, ки мақомоти маҳаллӣ онро "нофаҳмӣ" бо раҳбарияти ширкат номиданд, таҷаммуъ карданд. Таҷаммуъгарони назди бинои "Казфосфат" аз раиси шуъбаи табдили рақамии ширкат Олег Куликов, ки шаҳрванди Русия аст, талаб карданд, то узр пурсад. Вай қаблан дар як мулоқот кормандонро "гӯсфанд" номида буд. Хабаргузориҳои маҳаллӣ бо такя ба Бозрасии меҳнати ҳукумати вилояти Ҷамбили Қазоқистон хабар доданд, ки дар таҷаммуъ беш аз 200 нафар иштирок карданд. Читать дальше...

Рӯзи чаҳоруми Ҷоми ҷаҳонии футбол-2022 дар Қатар 23-юми ноябр бо бозии даври аввал дар гурӯҳи F миёни дастаҳои мунтахаби миллии Марокаш ва Хорватия шуруъ шуд. Ин бозӣ, ки дар варзишгоҳи “Ал-Байт”-и шаҳри Ҳавр доир гардид, бо ҳисоби 0:0 хотима ёфт.

Рӯзноманигори таҳқиқотгар Болот Темиров шоми чаҳоршанбе дар ҳамроҳӣ бо маъмурони интизомӣ тавассути ҳавопаймо аз Қирғизистон ихроҷ шуд. Рӯзноманигори бахши қирғизии Радиои Озодӣ, ки дар фурудгоҳ қарор дошт, гуфт, эҳтимол Темировро ба Русия ихроҷ карданд. Ба гуфтаи ӯ, маъмурони интизомӣ Темировро иҷборан ба маҳалли парвози ҳавопаймое бурданд, ки бояд ба Москва парвоз мекард. Темиров 18 апрел таҳқиқоти рӯзноманигориеро дар бораи ширкати писари Қамчибек Тошиев, раиси Кумитаи давлатии амнияти миллии Қирғизистон дар тендерҳои давлатӣ нашр кард. Читать дальше...

Мақомоти Русия ҷасади шаҳрванди Тоҷикистон Эҳсон Аминзодаро, ки ба ҳамла ба тамрингоҳи Белгород гумонбар аст, ба пайвандонаш додаанд. Вай рӯзи 15-уми октябри имсол кушта шуд.