Новости за 07.06.2023

Türkiýäniň deportasiýa merkezlerinde saklaýan türkmen migrantlary ýene basyşa sezewar boldular. Türk metbugatynyň we adam hukuklaryny goraýjy "Türkmen Helsinki fondunyň" habaryna görä, merkezleriň birinde saklanýan türkmen raýaty ona golaý watandaşynyň ýenjilmegine garşy açlyk yglan edipdir. THF 4-nji iýunda Türkiýäniň Kaýseri şäherindäki deportasiýa merkezinde saklanýan birnäçe türkmen migrantynyň garawullar tarapyndan ýenjilendigini habar berdi. Maglumata görä, bu waka 2023-nji ýylyň 4-nji iýunynda sagat 21... Читать дальше...

Türkmenistanyň käbir sebitlerinde soňky günlerden bäri YouTube, TikTok, Instagram ýaly sosial torlarda degişlilikde meşhur bloggerler polisiýa tarapyndan soraga çekilýär. Olara ýurt barada diňe öwgüli maglumatlary ýerleşdirmek tabşyrylýar, ýogsa-da türme tussaglygy bilen haýbat atylýar. Dünýäniň iň bir repressiw ýurtlarynyň birindäki çeşmämiziň howpsuzlygy jähtinden anyk adam we ýer atlaryny häzirlikçe äşgär etmeýäris. Metbugat azatlygyny berk çäklendirýän Türkmenistanda meşhur sosial torlar, garaşsyz habar saýtlary petikli saklanýar. Читать дальше...

Balkan welaýatynyň Türkmenbaşy şäheriniň bir döwlet dükanyndan fewral aýy üçin ýeňillikli azyk paýlaryny alyp bilmedik ýerli ýaşaýjylar dükana we dükan satyjysyna hüjüm etdiler. Bu barada Azatlyk Radiosynyň habarçysy sebitden maglumat berdi.

Lebabyň dolandyryş merkezinde ilat arasyndaky pul dolanyşygynda köne we ýyrtyk banknotlar köpelýär. Bankomatlaryň berýän ‘ýarawsyz’ pul serişdelerini, hatda banklaryň özleri hem kabul etmekden ýüz öwürýär.

Mary welaýatynyň Baýramaly etrabynda orta mekdebini tamamlaýan mekdep uçurymlary harby wekilligine baryp öz islegleri bilen harby gulluga alynmagyny soraýarlar. Bu barada Azatlygyň habarçysy we ýerli çeşmeleri 6-njy iýunda maglumat berdiler.

Aşgabat – Daşoguz awtomagistralynyň ugrunda 1-nji iýunda iki awtomobil ulagynyň pete-pet çakyşmagy netijesinde bolan ýol hadysasynda dört adam heläk boldy. Ýol heläkçiligi 560 kilometr töweregi uzynlygy bolan gara ýoluň takmynan 270-280-nji kilometrleri aralygynda bolup geçdi. Ýol hadysasyna uçran ýeňil awtoulaglaryň biri hususy taksi bolup, wakada her ulagdan bir sürüji we bir ýolagçy heläk boldy. “Heläk bolan ýolagçylaryň arasynda bir aýal we 13 ýaşly bir çaga hem bar” diýip, Azatlyk Radiosynyň... Читать дальше...

Türkmenistanda howanyň gyzgynlygynyň 40 gradusdan aşmagy bilen, ýurduň dürli künjeklerinde ýene-de köpçülikleýin elektrik bökdençlikleri ýüze çykyp başlady. Lebapda toguň dowamly kesilmegi bilen birlikde, onuň bar wagtyndaky kuwwady hem elektrik abzallaryny kadaly işletmäge ýetmeýär. Ýerli ilat sebitdäki ýakynda açylan iri elektrik stansiýasynyň diňe daşary ýurda tok ibermek üçin ulanylýandygyny, özleriniň tok üpjünçiligindäki meseleleriniň bolsa ýyllar-boýy aradan aýrylmaýandygyny aýdýar. “Hepdäniň... Читать дальше...

Prezident Serdar Berdimuhamedowyň “Awaza” etmegine garaşylýan saparynyň öňýany, kurort sebitiniň töwereginde, şol sanda Türkmenbaşy şäherinde güýçlendirilen tertipde taýýarlyk işleri alnyp barylýar. Bularyň çäginde mejbury ýowarlar geçirilýär, howpsuzlyk çäreleri güýçlendirilýär, adamlaryň hereketi çäklendirilýär. Şeýle-de spirtli içgilere garaşly adamlar hökmünde saglyk-dikeldiş merkezlerinde hasaba alnan raýatlar wagtlaýyn tussag edilýär.

5-nji iýunda türkmenleriň başgaça pikirlenýänleriň taryhyna bagyşlanan halkara proýektiň awtorlary onlaýn maglumat portalynyň açylandygyny yglan etdiler. “Türkmen depderleri" atly websaýt türkmen disidentleri tarapyndan we başga pikirli adamlar barada onlarça ýylyň dowamynda çap bolan habarlary, söhbetdeşlikleri, analitiki maglumatlary we kitaplary öz içine alýar.

Özbegistanyň Kaşkadarýa sebitinde bir maşgala ýetimler öýüniň başlygy 13 ýaşly okuwçyny zorlamakda günäli tapylyp, türme tussaglygyna höküm edildi.  Azatlyk radiosynyň Özbek gullugy Gazeta.uz neşirine salgylanyp, onuň kazyýet seljermesiniň iki aý dowam edendigini habar berýär. Kaşkadarýa sebitiniň Çirakçi etrap kazyýeti 6-njy iýunda 1-nji maşgala çagalar öýünde 13 ýaşly okuwçyny zorlamakda günäli tapylan 52 ýaşly K.T.-ny 12 ýyl azatlykdan mahrum etdi. Özbegistanyň Ýokary kazyýetiniň metbugat gullugynyň habaryna görä... Читать дальше...

Türmede oturan gazak žurnalisti Duman Muhammedkerimiň kakasy Almaz Tilepow oglunyň haýal etmän boşadylmagyny talap edip, onuň yglan eden açlygyna goşuldy. Tilepow açlyga 6-njy iýunda, Almaty etrap prokuraturasynyň öňünde başlady. Muhammedkerim açlyga 28-nji maýda, gazaklary öz hukuklaryny goramaga çagyrýan wideosy sebäpli 25 gün tussag edileninden soň başlady. Şondan iki gün öň ol, Almaty şäheriniň ýaşaýjylaryny hökümetiň hytaý raýatlaryny Gazagystana wizasyz goýbermek baradaky teklibine garşy proteste çagyrany üçin... Читать дальше...

Özbegistanyň Ýokary kazyýeti garagalpak žurnalistleri Dauletmurat Tajimuratowyň we Lolagul Kallyhanowanyň geçen ýyl ýurduň Garagalpak awtonom respublikasynda hökümete garşy guralan köpçülikleýin protestler sebäpli berlen uzak möhletli türme möhletlerinden eden şikaýatlaryny ret etdi. Täjimuratowyň aklawçysy Sergeý Maýorowyň maglumatyna görä, höküm çykarylan 18 erkegiň we aýalyň şikaýatyna sereden Ýokary kazyýet 5-nji iýunda günäkärlenýänleriň sekiz sanysynyň türme tussaglygynyň şertli ýagdaýda üýtgedilmegini... Читать дальше...