Ukrayina Silâlı Quvetleriniñ Baş ştabı ücüm yönelişleri ve Rusiye ordusınıñ Donbasta keri çekilüvi aqqında bildirdi
Böylece, Kramatorsk yönelişinde Berestovo – İvano-Daryevka ve Verhnekamenka – İvano-Daryevka yönelişinde ukrayin arbiyleri RF orlusınıñ darbelerini qaytardı ve keri çekilmege mecbur etti.
"Duşman Spornoye yaqınlarında ücüm ete, arbiy areketler devam etmekte", - dep yazıla bildirmede.
Kramatorsk rayonından Rusiye pilotsız uçaqları qayd etilgen.
"İşğalciler Soledar, Pokrovsk ve Uglegorsk TES meydanına avadan darbeler endirdiler. Verşina – Luganskoye yönelişlerinde ücümleri muvafaqiyetsiz oldı ve olar keri çekilmyege mecbur qaldılar. Duşman Mironovskoye – Luganskoye yönelişlerinde ücüm ete, arbiy areketler devam etmekte", - dep yazıla bildirmede.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kıyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.