Новости за 09.11.2022

Аксубайның Яшьләр үзәгендә махсус хәрби операциядә катнашучыларга җибәрү өчен маскировкалау челтәрләре үрү пункты эшли башлады. Бу турыда «Авыл таңнары» хәбәр итә.

Халыктан, оешмалардан тәкъдим ителгән инициативалы проектларны бюджетлау территорияләр үсеше өчен яңа мөмкинлекләр бирә. Бу хакта ТР Дәүләт Советының Дәүләт корылышы һәм җирле үзидарә комитеты утырышында сүз барды.

Татарстанда өлкәннәрне тәрбиягә алган гаиләләр аена 10 мең сумга кадәр акча ала.

Татарстанның күпфункцияле үзәкләрендә яңа хезмәт – җанатар картасы өчен шәхесне раслау барлыкка килде. Процедура берничә минут дәвам итә, үзең белән паспорт кирәк, дип хәбәр ителә «Минем документлар» сайтында.

2022 елның беренче яртыеллыгында Татарстанның мәшгульлек үзәкләренә мөрәҗәгать иткән өлкән буын вәкилләренең яртысы эшкә урнаштырылган. Бу хакта Татарстан Дәүләт Советының Социаль сәясәт комитеты һәм комитет каршындагы эксперт советының уртак утырышында билгеле булды.

Пәнҗешәмбе көнне Татарстан территориясендә җылы һава торышы көтелә – хәтта төнге сәгатьләрдә дә термометр баганалары нульдән түбән төшмәячәк. Бу хакта Татарстанның Гидрометеорология үзәге хәбәр итә.

Кемерово өлкәсе губернаторы Сергей Цивилев киләсе елда Кузбасста узачак XXIII Федераль Сабантуен бәйрәм итүне оештыру комитетының беренче утырышын үткәрде. Уртак утырышта Татарстан Республикасы Премьер-министры урынбасары, «Бөтендөнья татар конгрессы» төбәкара иҗтимагый оешмасының Милли Шура рәисе Васил Шәйхразыев катнашты. Утырышта бәйрәмнең даталары һәм мәйданчыклары билгеләнде. Бөтендөнья татар конгрессы шул турыда хәбәр итә.

Россия Үзәк банкының пәнҗешәмбе көнгә билгеләгән долларның рәсми курсы, 8,37 тиенгә артып, 61,0611 сумга кадәр күтәрелде. Евро курсы, 42,14 тиенгә үсеп, 61,2445 сумга кадәр җитте. Россия Банкы мәгълүматлары шуны күрсәтә. Моны РИА Новости яза.

Быел Татарстанда халыктан җыелган үзара салым акчасының күпчелеге - 47 проценты юл эшләренә тотылган. Бу хакта бүген ТР Дәүләт Советында Дәүләт корылышы һәм җирле үзидарә комитеты утырышында «ТР Муниципаль берәмлекләре Советы» ассоциациясе башкаручы секретаре Александр Барышев сөйләде.

Бүген Казан шәһәренә эш сәфәре кысаларында Чиләбе өлкәсе Закон чыгару Җыены рәисе урынбасары, «Өлкә телевидениесе « АҖ генераль директоры Олег Гербер җитәкчелегендәге делегация Бөтендөнья татар конгрессының эшчәнлеге белән танышты, дип хәбәр итә конгрессның матбугат хезмәте.

Яңа уку елында Россия мәктәпләренә кертергә планлаштырылган башлангыч хәрби әзерлек курсы мәҗбүри булачак. Бу турыда Россиянең Мәгариф министры Сергей Кравцов белдерде. Ул бу хакта журналистлар биргән сорауга җавап биргәндә сөйләде.

«Мөхәммәдия» мәдрәсәсендә, 140 еллык уңаеннан, шәкертләр өчен күренекле татар шәхесләре белән лекторий эшли башлады. Лекторийны бүген мәдрәсә директоры, Татарстан мөфтие Камил хәзрәт Сәмигуллин үзе ачып җибәрде. Беренче очрашуны ул көндезге бүлекнең барлык курсларында укучы кызлар белән уздырды.

Атлантик циклон йогынтысы аркасында Татарстан башкаласына җылылык килә. Атна ахырында шәһәрдә уртача тәүлеклек температура нормадан дүрт-биш градуска югарырак булачак. Бу хакта «Татар-информ»га Казан федераль университетының Экология һәм табигатьтән файдалану институтының метеорология, климатология һәм атмосфера экологиясе кафедрасы доценты Тимур Әүхәдиев хәбәр итте.

Дәүләт Думасының барлык фракцияләре депутатлары палатага 18 яшькә кадәрге дүрт балалы гаиләләрне өлешчә мобилизация буенча азат итү турындагы закон проектын керттеләр. Документ думаның мәгълүмат базасында урнаштырылган. РИА Новости шул турыда яза.

«Татмедиа» республика агентлыгының массакүләм мәгълүмат чаралары белән эшләү өлкәсендәге күпьеллык тәҗрибәсен һәм югары компетенцияләрен Чиләбе өлкәсендә дә үзләштерәчәкләр. Бу хакта «Татар-информ»га Чиләбе өлкәсенең Закон чыгару җыены рәисе урынбасары, «Первый Облостной» медиахолдингы җитәкчесе Олег Гербер хәбәр итте.

Башлангыч хәрби әзерлек курсын Россия мәктәпләрендә киләсе уку елында укыта башлыйлар. Ул дәрестән тыш үткәреләчәк. Бу хакта Россия Мәгариф министрлыгына сылтама белән ТАСС хәбәр итә.

«Пучы авылында театр, сәнгатьне ярата торган халык яши. Бу спектакль артистлар өчен үзе бер мәктәп», - диде режиссер Символ Гайнетдинов.

«Шулкадәр рәхәтләнеп уйныйлар. Артистларның ихласлыгы яраттырды, күзеңә генә карап торалар», - дип бәяләде режиссер Нур Хөсәенов.

Бу тәкъдимне президентка Белгород өлкәсенең Разуменски бистәсе шурасы депутаты Сергей Веселов ясаган.

Татарстан Республикасының Язучылар берлеге әгъзасы Равилә Шәйдуллина үз хисабына туган авылында – Теләче районының Алан авылындагы мәчетне төзекләндергән. Бөтендөнья татар конгрессы ТНВ каналы сюжетына сылтама белән шул турыда хәбәр итә.

В столице республики наградили 35 победителей татарстанского этапа международной премии #МыВместе.

Татарстан муниципаль районнарындагы биш мәктәп бинасында Советлар Союзы Геройлары исемнәре язылган истәлек такталары урнаштырылачак. Алар Республика Яшьләр министрлыгы гранты буенча куела.

Берлек активисты Татарстанда халыкка татарча хезмәт күрсәтелмәвенә, шул рәвешле республика Конституцияcенең сигезенче маддәсе үтәлмәвенә игътибар юнәлтте.

Россия Федерациясенең һәм Татарстан Республикасының атказанган артисты, Татарстанның халык артисты Камил Вәлиевкә сентябрьдә 80 яшь тулды. Бенефис спектакле 10 ноябрьдә, 78 нче театр сезонында узачак.

Татарстан Президенты Рөстәм Миңнеханов «Джошкуноз» (Төркия) компанияләр төркеме президенты Әхмәт Аджай белән очрашты. Очрашу ТР Хөкүмәт Йортында узды. Бу турыда Татарстан Президентының матбугат хезмәте хәбәр итте.