Кукмарада ташландык йортта сукбай ир-ат янып үлгән
(Казан, 2 март, «Татар-информ», Полина Шевчук). Кукмарада ташландык йортта янгын чыгып, торыр урыны булмаган сукбай ир-ат янып үлгән. Россия Гадәттән тыш хәлләр министрлыгының ТР буенча Баш идарәсе матбугат хезмәтеннән «Татар-информ» агентлыгына белдерүләренчә, кичә 23.36 сәгатьтә 101 янгын сагы номерына Толстой урамында кеше яшәми торган агач йортта янгын чыгуы хакында хәбәр килгән. Янгын сүндерүчеләр килгәндә ут йортны тулысынча чолгап алган була.
Төнге беренчеләр киткәч, янгын сүндерүчеләр өйдә бик нык янган ир-ат мәетен таба. Хәзер аның шәхесен ачыклыйлар. Ир-атның торыр урыны булмаган дип фаразлана. Янгынның мәйданы 56 квадрат метр тәшкил иткән. Фаҗиганең сәбәбен белгечләр ачыклый.