Сахалинда мөселман хәрбиләренә Мөхәммәд пәйгамбәр хакында сөйләделәр
(Казан, 11 ноябрь, «Татар-информ»). 29 октябрьдә Россия мөселманнары Үзәк Диния нәзарәте составындагы Ерак Көнчыгыш мөселманнары Диния нәзарәтенең Сахалин өлкәсе имам-мөхтәсибе Мөхәммәдякуп хәзрәт Мәдәминов 35390нчы гаскәри частьтә хезмәт итүче мөселман хәрбиләре белән очрашу үткәрде.
Рабигыль-әүвәл ае уңаеннан, дин эшлеклесе Мөхәммәд пәйгамбәрнең (с.г.в.с.) тормышы һәм кылган гамәлләре хакында сөйләде. Бу хакта Россия мөселманнары Үзәк Диния нәзарәте составындагы Ерак Көнчыгыш мөселманнары Диния нәзарәтенең матбугат хезмәте хәбәр итә.
«Сахалин» мөселман дини оешмасының Сахалин өлкәсе территориясендә урнашкан хәрби частьләр белән үзара бәйләнеше кысаларында дин тотучы хәрбиләр мондый очрашулар даими рәвештә үткәрелә, диелә хәбәрдә.