Татарстанда кар явачак һәм 10 градуска кадәр салкын көтелә
(Казан, 14 декабрь, «Татар-информ»). Иртәгә, 15 декабрьдә, Татарстанда шактый җылы һәм дымлы һава торышы саклана. Бу хакта ТР Гидрометеорология үзәге хәбәр итә.
Республикада аязучан болытлы һава торышы күзәтелә. «Төньяк-көнбатыш циклонының атмосфера фронтлары йогынтысында» кар явачак, көндез күп яумый. Көньяктан һәм көньяк-көнбатыштан талгын җил фаразлана. Юлларда бозлавык саклана, дип билгеләп үтә синоптиклар.
Төнлә һава температурасы -5...-10 градус салкын булачак. Көндез -2.. -7 градуска кадәр күтәрелә (Казанда -2..-4 градус салкын була).
Метеорологлар мәгълүматына караганда, алдагы көннәрдә һава шартлары сизелерлек үзгәрмәячәк. Көндез температура ноль тирәсендә булачак.