Дәрвишләр бистәсендә котельная эшләүдән туктагач, күп фатирлы 11 йорт җылылыксыз калган
Казанның Дәрвишләр бистәсендә Халезов урамындагы котельная эшләүдән туктаган. Бу хакта Совет районы хакимиятендә хәбәр иттеләр, дип яза «Татар-информ».
Шул сәбәпле, 11 күп фатирлы йорт, балалар бакчасы, мәктәп һәм төзелеш көллияте җылылыксыз калган.
Администрациядә аныклауларынча, барлык мәсьәләләр буенча халык белән элемтәдә торалар. Урында авария бригадалары эшли.