Санкт-Петербургта Каюм Насыйри мәдәни-белем бирү үзәгендә татар теле курслары башланды
22 сентябрьдә Санкт-Петербург шәһәре татар милли-мәдәни автономиясе Татар мәдәни үзәгендә татар теле курслары яңадан башланып китте. К(П)ФУның Каюм Насыйри институты мәдәни-белем бирү үзәгендә Санкт-Петербургның «Ак калфак – Нева» татар хатын-кызлары иҗтимагый оешмасы вәкиле, методист-укытучы Фирая Рәшитова җитәкчелегендә беренче дәрес үткәрелде. Бу хакта Татарстан Республикасының Санкт-Петербург шәһәре һәм Ленинград өлкәсендәге даими вәкиллеге хәбәр итә.
Бу семестрда беренче дәрестә 20 кеше катнашты, шулар арасында 18 укучы – моңарчы татар телен өйрәнгәне булмаганнар һәм аны өйрәнүен дәвам итәргә теләүчеләр.
Сәламләү сүзеннән соң Фирая Рәшитова татар теле курслары эшенең принциплары турында сөйләде. Ул Каюм Насыйри институтының әйдәп баручы методисты Ләйсән Шәяхмәтова исеменнән укучыларга 2024/2025 яңа уку елында татар телен уңышлы өйрәнүләрен теләвен җиткерде.
Татар телен өйрәнергә теләүчеләрне якшәмбе, 29 сентябрьдә 15:00 сәгатьтә киләсе дәрескә кушылырга чакырабыз, диелә хәбәрдә.