Бухорода 42 ёшли эркак ўз ўғлини пичоқлаб ўлдирди
2021 йилнинг 30 декабр куни соат 18:30 ларда, Ғиждувон тумани Денов маҳалласида яшовчи, 1980 йилда туғилган С.З. спиртли ичимлик истеъмол қилган маст ҳолатда, ўзининг яшаш уйида 2004 йилда туғилган ўз ўғли У.Н. билан ўзаро жанжаллашиб қолган.
Маълум бўлишича, жаҳлини жиловлай олмай ўғлининг қорин соҳасига ошхона пичоғи билан оғир тан жароҳати етказган.
Натижада У.Н. кўрсатилган муолажаларга қарамай, олган оғир тан жароҳати сабаб туман касалхонасида вафот этган. Бу ҳақда вилоят Ички ишлар бошқармаси ахборот хизмати хабар берди.
Ҳолат юзасидан Ғиждувон туман Ички ишлар бошқармаси ҳузуридаги Тергов бўлими томонидан S.Z.ga нисбатан Ўзбекистон Республикаси ЖК.нинг 104-моддаси 3-қисми “д” банди билан жиноят иши қўзғатилиб, гумон қилинувчи қамоққа олинган.