Отабек Боймуродов “Келажак юлдузи” номинацияси ғолибига айланди
У сўровномада Ироқ, Япония ва Жанубий кореялик тенгдошларини ортда қолдирди
ОФК U-20 Осиё Кубоги иштирокчилари орасидан 4 футболчини танлаб, ижтимоий тармоқда “Келажак юлдузи” номинацияси бўйича сўровнома ўтказди.
Унда Ўзбекистон ёшлар жамоаси посбони, турнирнинг энг яхши дарвозабони Отабек Боймуродов ғолиб деб топилди.
Отабек сўровномада Али Жассим (Ироқ), Наоми Кумата (Япония) ва Ким Ёнг Ҳакни (Жанубий Корея) ортда қолдирди.