Արամ Ա. Հզոր Հայաստանը, ամուր Արցախը, կազմակերպված Սփյուռքը պետք է դառնան հայ ազգային քաղաքականության ուղեցույցը
Արմինֆո. Հզոր Հայաստանը, ամուր Արցախը, կազմակերպված Սփյուռքը պետք է դառնան հայ ազգային քաղաքականության ուղեցույցը: Այդ մասին հայտարարել է Մեծի Տանն Կիլիկիո Արամ Ա կաթողիկոսը Երևանում «Փոխադարձ վստահություն, միասնություն և պատասխանատվություն» կարգախոսով ընթացող «Հայաստան-Սփյուռք» 6-րդ համաժողովի ընթացքում իր ելույթում:
«Հայաստանի անվտանգությունը համազգային գերակայություն է, ինչը պահանջում է ամուր կապվածություն սեփական հողին` Հայաստանին: Հայրենիքն, առաջին հերթին, հողն է ու ժողովուրդը, իսկ հետո արդեն պետությունն ու տնտեսությունը: Այդ լույսի ներքո Հայաստանի բնակչության աճը հարկավոր է ապահովել որոշակի ծրագրերի իրագործմամբ: Այդ լույսի ներքո չափազանց կարևոր են Հայաստան-սփյուռք հարաբերություններում փոխադարձ վստահությունն ու պատասխանատվությունը: Հարկավոր է ընթանալ առաջ, հստակեցնելով դերերը, գերակայությունները` նոր որակ հաղորդելով համագործակցությանը՚, - նշել է նա:
Այդ լույսի ներքո Արամ Ա կաթողիկոսն անհրաժեշտ է համարում համազգային մտածողության մշակույթի ստեղծումը, որի միջոցով հնարավոր կլինի դիմակայել շրջապատող մարտահրավերներին: Հակառակ դեպքում, նրա գնահատմամբ, Սփյուռքը կքայքայվի:
«Հայաստանն ու սփյուռքը գործընկերն չեն, նրանք մեկ ազգի որդիներն են: Հենց այդ հայեցակարգը պետք է ընկած լինի Հայաստան-Սփյուռք բոլոր ծրագրերի իրագործման հիմքում; Հայաստանը զբոսաշրջության օբյեկտ չէ, բիզնեսի շուկա չէ, անցագիր չէ: Վայ մեզ, եթե Հայաստանին մոտենանք միայն այդպիսի դիրքերից: Հայաստանը հայության հավաքական տունն է, անցյալի, ներկայի, ապագայի տունը: Մենք պետք է ամրապնդենք այդ տունը հնարավոր ողջ ներուժով՚, - հայտարարել է կաթողիկոսը: Նրա ասելով, Սփյուռքն, իր հերթին, միայն բիզնես չէ Հայաստանի համա, այլ ողջ միացյալ հայության անբաժան մասը: Հետևաբար, մշակութային, կրթական փոխգործակցության հետ մեկտեղ անհրաժեշտ է լրջորեն մտածել Հայաստանի համապատասխան կառույցներում Սփյուռքից մասնագետներ ներգրավելու միջոցների մասին: «Հայաստանի հզորացումը Սփյուռքի հզորացում է, և` հակառակը՚, - ընդգծել է Արամ Ա կաթողիկոսը: