Буада “Жигули” капкага керде (+фото)
0
Бүген кичке 4ләр тирәсендә Ефремов урамында, үзәк мәчет каршында юл-транспорт һәлакәте булды. Ефремов урамыннан Вокзалга таба бара торган юнәлештә унберенче модельле Жигули “ятып торучы” полицейский алдына туктый. Аның артыннан зур тизлектә җиденче модельле автомобиль килә һәм алдагы машинаның артына бәрелеп юлның икенче ягындагы йортның капкасына килеп керә. Профнастил капканы бөкли һәм аудара. Алдан фаразлау буенча җиденче модельле Жигули бик зур тизлектә килгән.