World News in Albanian

Emri i partisë më të madhe në pushtet në Maqedoninë e Veriut, VMRO-DPMNE, ka një muaj që figuron si shoqatë (person juridik) në regjistrin e vetëm të taksapaguesve në Serbi.

Teksa flet për përsëritjen e nivelit të lartë të manganit në ujin e pijes, eksperti i ujërave, Skender Bublaku, thotë se institucionet shtetërore duhet që në mesin e prioriteteve të kenë edhe investimin për përmirësimin e cilësisë së ujit. Ai konkretisht kërkon që të mundësohet marrja e ujit nga nivele të ndryshme të liqenit të Badocit. Për shkak të rritjes së vlerave të manganit, Instituti Kombëtar i Shëndetësisë Publike të Kosovës ka rekomanduar më 4 tetor që uji nga Badoci të mos përdoret për pije.

Një stuhi e fortë goditi Bosnje e Hercegovinën, duke përmbytur disa qytete në pjesët qendrore dhe jugore të vendit. Rrugët u mbyllën dhe shtëpitë mbetën pa energji elektrike. Shërbimet e shpëtimit në jug të Bosnjes raportuan për vdekjen e të paktën 14 personave dhe zhdukjen e disa të tjerëve, dhe bënë thirrje për ndihmë nga vullnetarët dhe ushtria. Shërbimet e shpëtimit në qytetet Jabllanicë dhe Kiselak njoftuan se energjia elektrike u ndërpre gjatë natës dhe telefonat celularë humbën sinjalin.

Niveli i manganit në liqenin e Badocit, pak kilometra larg Prishtinës, është rritur këtë tetor, njëjtë sikurse vitin e kaluar.

Autoritetet në Bosnje e Hercegovinë kanë raportuar për disa të vdekur nga përmbytjet dhe rrëshqitjet e dheut si pasojë e reshjeve të dendura të shiut. Darko Juka, zëdhënësi i Qeverisë së Qarkut Hercegovinë Neretvë, ka bërë të ditur se janë gjetur 14 trupa të pajetë.

Derisa kryeministri i Kosovës, Albin Kurti, ishte javën e fundit të shtatorit për vizitë në Shtetet e Bashkuara, në vendin e tij po shqyrtohej për vazhdimin ose jo të bashkëpunimit të SHBA-së me Policinë e Kosovës. Amerikanët nuk janë të kënaqur me disa veprime të Kurtit dhe analistët tërheqin vërejtjen se “qëndrimi konfrontues” i tij rrezikon ta izolojë Kosovën.