Պուտին․ Ռուսաստանը շուտով կավարտի ռազմական գործողությունները Սիրիայում
Ըստ պաշտոնական հաղորդագրության, Պուտինը նշել է, որ «ահաբեկչության դեմ վերջնական հաղթանակը դեռ շատ հեռու է», սակայն համատեղ ռազմական գործողությունները Սիրիայի տարածքում մոտենում են ավարտին:
«Անհրաժեշտ է անցնել քաղաքական գործընթացների՝ ՄԱԿ-ի հովանու ներքո», - պնդել է Ռուսաստանի նախագահը՝ տեղեկացնելով, որ առաջիկա օրերին այս հարցի շուրջ հեռախոսազրույց է ունենալու ԱՄՆ նախագահ Դոնալդ Թրամփի և տարածաշրջանի այլ առաջնորդների հետ:
Ռուսաստանը Սիրիայում ռազմական գործողություններ սկսեց 2015 թվականի սեպտեմբերից, պաշտոնապես՝ ահաբեկչության դեմ պայքարելու համար: Միայն այս տարեսկզբից, ըստ Reuters լրատվական գործակալության, Սիրիայում զոհվել է առնվազն 40 ռուս զինծառայող: