Գեղասահքի ԵԱ. Թինա Կարապետյան և Սիմոն Պրու Սենեկալ երկյակն անցավ եզրափակիչ

Մոսկվայում ընթացող գեղասահքի Եվրոպայի առաջնությունում այսօր պարային զույգերը հանդես եկան կարճ ծրագրով: Քսաներեք երկրի 30 զույգերի պայքարում Հայաստանը ներկայացրեց Թինա Կարապետյան/Սիմոն Պրու Սենեկալ զույգը,- տեղեկացնում է ՀԱՕԿ-ի պաշտոնական կայքը: 

 

Մեր գեղասահորդները 51.77 միավորով զբաղեցրին 20-րդ տեղը և անցան որակավորման փուլը: Եզրափակիչ անցել է 20 զույգ:

 

Ուժեղագույն պարային զույգերի եռյակում են՝ Գաբրիելա Պապադակիս/Գիյոմ Սիզերոն (Ֆրանսիա, 81.29), Ալեքսանդրա Ստեպանովա/Իվան Բուկին (ՌԴ, 75.38), Աննա Կապելլինի/Լուկա Լանոտե (Իտալիա, 74.76): Հունվարի 20-ին գեղասահորդները հանդես կգան կամավոր ծրագրով:

 

Այսօր հայտնի կդառնան կամավոր ծրագրում տղամարդկանց ելույթների արդյունքները, որտեղ Հայաստանի ներկայացուցիչ Սլավիկ Հայրապետյանը կարճ ծրագրի արդյունքում զբաղեցրել էր 14-րդ տեղը և անցել եզրափակիչ փուլ: