«Օսկարի» դափնեկիրներին կհայտարարեն Գալ Գադոտը և Մարկ Հեմիլը
Հոլիվուդյան դերասանուհի Գալ Գադոտը, որն առավել հայտնի է «Հրաշք-կինը» ֆիլմում իր դերակատարմամբ, ինչպես նաև «Աստղային պատերազմներ» ֆիլմաշարում Լյուկ Սքայուոքերի կերպարը կերտած Մարկ Հեմիլը «Օսկարի» մրցանակաբաշխության ժամանակ կհայտարարեն կինոմրցանակի դափնեկիրներին:
Ինչպես հաղորդում է People ամսագիրը, մրցանակները հանձնելու համար բեմ կբարձրանան նաև Արմի Համերը («Կոչիր ինձ քո անունով»), Օսկար Այզեքը («Աստղային պատերազմներ») և Զենդայան («Մեծն շոումենը»):
Ավելի վաղ հաղորդվում էր, որ Էմմա Սթոունը և Թոմ Հոլանդը նույնպես բեմ կբարձրանան՝ հանձնելու «Օսկար» մրցանակները:
Հիշեցնենք, որ կինոաշխարհի ամենահեղինակավոր մրցանակաբաշխության 90-րդ հոբելյանական միջոցառումը տեղի կունենա մարտի 4-ին Լոս Անջելեսում: