Թրամփ-կրտսերը կատակների առարկա է դարձել՝ անհաջող լուսանկարի պատճառով (լուսանկար)
ԱՄՆ նախագահ Դոնալդ Թրամփի որդի Թրամփ-կրտսերը հայտնվել է համացանցի օգտատերերի ուշադրության կենտրոնում ու կատակների առարկա դարձել անհաջող լուսանկարի պատճառով, որն արվել է ԱՄՆ-ի Փենսիլվանիա նահանգի հրուշակեղենի գործարաններից մեկում:
Թրամփ-կրտսերին լուսանկարել են այնպիսի ռակուրսից, որ տպավորություն է ստեղծվում, իբր նրանից հարցազրույց է վերցնում հսկայական շոկոլադե ճագարը, սակայն իրականում նրա հետ շփվել է Pittsburgh Post-Gazette-ի լրագրողը, որը կադրում չի երևում:
Լուսանկարի հեղինակ Էնդրյու Ռաշը հրապարակել է այն Twitter-ում:
«Ահա թե ինչու է վտանգավոր արշավ անցկացնել հրուշակեղենի գործարանում»,- գրել է նա:
Համացանցի հազարավոր օգտատերեր կիսվել են լուսանկարով, իսկ շատերը նույնիսկ կատակի առարկա են դարձրել այն, իսկ Թրամփ-կրտսերը նույնպես հումորով է մոտեցել իրավիճակին:
«Շոկոլադե ճագարը հարցազրույցի ժամանակ ամբողջությամբ նվիրվել է աշխատանքին ու այնուհետև համով է եղել», - գրել է նա Twitter-ում: