Klimkin AB ve AQŞnı Qırımda Rusiye saylavına alâqalı olğanlarğa qarşı sanktsiiyalarnı tatbiq etmege davet etti
Klimkin böyle beyanatnı, mart 13-te Kyivde Qırımtatar Milliy Meclisi liderleriniñ yılda bir kere ötkerilgen çetel devletleriniñ elçileri ile körüşüvinde yaptı.
Ukraina TİNiniñ başlığı: «Men bütün nazirlerge, dostlarıma, tek manalı şekilde bu saylavnı taqbih etkenleri içün minnetdarım. Lâkin bunıñ az olğanını aytam. Biz, teşkil etilmesinde bütün iştirak etkenler, oña alâqadar olğanlar, şu cümleden milliy olğan sanktsiyalarğa oğraycaqlarını aytmasaq. Bilesiz ki, milliy sanktsiyalar tatbiq etilse, olar avtomatik şekilde darqalalar… İç bir «şengen»ge kiremezsiñ. Bu, mutlaqa yapılmalı», – dedi.
Kyivde mart 13-te Qırımtatar Milliy Meclisi liderleriniñ çetel devletleriniñ elçileri ile yılda bir kere ötkerilgen ananeviy körüşüvi başlandı. Onda Qırımtatar Milliy Meclisiniñ liderleri diplomatlarğa Qırımda işğalniñ toqtatılması ve ondan soñ yarımadanıñ qırımtatar muhtariyeti sıfatında keri qaytması boyunca adımlarğa öz baqışını tanıtmaq isteyler.
Qırım.Aqiqat muhbiriniñ bildirgenine köre, tedbirde Qırımtatar Milliy Meclisiniñ reisi Refat Çubarov, Ukraina prezidentiniñ qırımtatar halqınıñ işleri boyunca vekili Mustafa Cemilev, AQŞ, Türkiye, Büyük Britaniya ve diger devletlerniñ vekilleri iştirak eteler.
Bunun arfesinde Qırımtatar Milliy Meclisi, muracaatname yayınlap, içinde qırımtatarlarnı ilhaq etilgen Qırımda Rusiyeniñ prezident saylavında iştirak etmemege davet etti.
Mart 1-de Yuqarı Rada BMT Telükesizlik Şurası ve Baş Assambleyası, Avropa Birligi, NATO, halqara teşkilâtlar, çetel parlamentleri ve ükümetlerini Qırımda Rusiye saylavınıñ qanuniyligini tanımamağa davet etti.